د سترې محکمې د جزا دېوان عمومي رئيس د امارتي ادارو د مسؤولینو ترمنځ د همغږۍ د لا تقویې په موخه خوست ولايت ته سفر وکړ

m_admin
Tue, Jul 23 2024 3:39 PM
د سترې محکمې د جزا دېوان عمومي رئيس د امارتي ادارو د مسؤولینو ترمنځ د همغږۍ د لا تقویې په موخه خوست ولايت ته سفر وکړ

د سترې محکمې د جزا دېوان عمومي رئيس محترم مفتي عتيق الله (دروېش) د سترې محکمې د رئیس او قاضي القضات محترم شیخ عبدالحکیم (حقاني) صاحب په ځانګړي هدایت په ۱۶/ ۱/ ۱۴۴۶ هـ ق نېټه د امارتي ادارو د مسؤولینو ترمنځ د همغږۍ د لا تقویې او یو شمېر جزائي دوسیو د حل او فصل په موخه خوست ولایت ته سفر وکړ.
د جزا دېوان عمومي رئیس د یاد سفر پر مهال چې مفتي عبدالحی (شاکر) یې ملتیا کوله د خوست له والي، مرستیال والي، امنيه قوماندان، ولسوالانو، د امربالمعروف، نهی عن المنکر او شکایاتو د اورېدو، د علماوو شورا او د استخباراتو له رئيسانو او نورو اړوند امارتي ادارو له مسؤولینو سره د ولایت مقام په تالار کې وکتل.
محترم مفتي عتیق الله (دروېش) یادې غونډې ته د خبرو پر مهال د ټولو امارتي ادارو له مسؤولینو غوښتنه وکړه چې د چارو د ژر او اصولي ترسره کولو په موخه دې له یو بل سره د اصولو په رڼا کې قوي همغږي ولري، ځکه د ځینو چارو ترسره کول د څو ادارو له همغږۍ او همکارۍ پرته ناشوني دي.
دغه راز نوموړي زیاته کړه، ټول ولایتي مسؤولین دې د هېوادوالو ستونزو ته پر وخت رسېدنه کوي، له مراجعینو سره دې نېک چلند کوي او په خپل ټاکلي وخت دې دندو ته حاضرېږي.
په دې سربېره د خوست محترم والي، د علماوو شورا، مرافعه محکمې رئیسانو او یو شمېر نورو مسؤولینو هم له یو بل سره د غوره تعامل، همکارۍ او همغږۍ پر ګټو تفصیلي خبرې وکړې او ټولو ژمنه وکړه چې په دې برخو کې هر ډول اصولي اجراآتو او همکاریو ته ژمن دي.
دغه راز د سترې محکمې د جزا دېوان عمومي رئیس له دې غونډې وروسته په خوست ولایت کې دوې مهمې جزائي دوسیې هم حل او فصل کړې.
محترم مفتي عتیق الله (دروېش) د دغه سفر پر مهال د خوست له مرکزي زندان څخه هم لیدنه وکړه او د جزائي موضوعاتو اړوند زندانیانو څخه یې د دوی د وضعیت او نورو مواردو پوښتنه وکړه.

Latest news

Tue, Feb 25 2025 3:24 PM
Background image

The head of the supreme court’s public security Division finalized some criminal cases during his travel to Balkh province

Under the guidance of the Supreme Court’s Tamiz Directorate, the Head of the Public Security Division, Mufti Abdulrahman Azizi, accompanied by Mufti Qudratullah Seerat, traveled to. . .

Tue, Feb 25 2025 3:18 PM
Background image

The Supreme Court Criminal Division director finalized Six important criminal cases during his travels to Laghman province

Under the special guidance of Shaikh Abdul Hakim "Haqani, the chief justice of the supreme court; the head of the criminal division of the supreme court, Mufti Atiqullah "Darwish,” who. . .

Sun, Feb 23 2025 11:34 AM
Background image

The Honorable Chief Justice and head of the Supreme Court Visited the Kandahar appellate court

On 18/8/1446 AH, the Honorable Chief Justice and head of the Supreme Court, Sheikh Abdul Hakim “Haqqani”, visited the Kandahar appelalte court in the presence of all judicial members of. . .

BACK TO NEWS