د سترې محکمې د جزا دېوان عمومي رئيس د امارتي ادارو د مسؤولینو ترمنځ د همغږۍ د لا تقویې په موخه خوست ولايت ته سفر وکړ

m_admin
ثلاثاء, يوليو 23 2024 3:39 مساء
د سترې محکمې د جزا دېوان عمومي رئيس د امارتي ادارو د مسؤولینو ترمنځ د همغږۍ د لا تقویې په موخه خوست ولايت ته سفر وکړ

د سترې محکمې د جزا دېوان عمومي رئيس محترم مفتي عتيق الله (دروېش) د سترې محکمې د رئیس او قاضي القضات محترم شیخ عبدالحکیم (حقاني) صاحب په ځانګړي هدایت په ۱۶/ ۱/ ۱۴۴۶ هـ ق نېټه د امارتي ادارو د مسؤولینو ترمنځ د همغږۍ د لا تقویې او یو شمېر جزائي دوسیو د حل او فصل په موخه خوست ولایت ته سفر وکړ.
د جزا دېوان عمومي رئیس د یاد سفر پر مهال چې مفتي عبدالحی (شاکر) یې ملتیا کوله د خوست له والي، مرستیال والي، امنيه قوماندان، ولسوالانو، د امربالمعروف، نهی عن المنکر او شکایاتو د اورېدو، د علماوو شورا او د استخباراتو له رئيسانو او نورو اړوند امارتي ادارو له مسؤولینو سره د ولایت مقام په تالار کې وکتل.
محترم مفتي عتیق الله (دروېش) یادې غونډې ته د خبرو پر مهال د ټولو امارتي ادارو له مسؤولینو غوښتنه وکړه چې د چارو د ژر او اصولي ترسره کولو په موخه دې له یو بل سره د اصولو په رڼا کې قوي همغږي ولري، ځکه د ځینو چارو ترسره کول د څو ادارو له همغږۍ او همکارۍ پرته ناشوني دي.
دغه راز نوموړي زیاته کړه، ټول ولایتي مسؤولین دې د هېوادوالو ستونزو ته پر وخت رسېدنه کوي، له مراجعینو سره دې نېک چلند کوي او په خپل ټاکلي وخت دې دندو ته حاضرېږي.
په دې سربېره د خوست محترم والي، د علماوو شورا، مرافعه محکمې رئیسانو او یو شمېر نورو مسؤولینو هم له یو بل سره د غوره تعامل، همکارۍ او همغږۍ پر ګټو تفصیلي خبرې وکړې او ټولو ژمنه وکړه چې په دې برخو کې هر ډول اصولي اجراآتو او همکاریو ته ژمن دي.
دغه راز د سترې محکمې د جزا دېوان عمومي رئیس له دې غونډې وروسته په خوست ولایت کې دوې مهمې جزائي دوسیې هم حل او فصل کړې.
محترم مفتي عتیق الله (دروېش) د دغه سفر پر مهال د خوست له مرکزي زندان څخه هم لیدنه وکړه او د جزائي موضوعاتو اړوند زندانیانو څخه یې د دوی د وضعیت او نورو مواردو پوښتنه وکړه.

Latest news

أربعاء, فبراير 12 2025 2:03 مساء
Background image

إكمال الرئيس العام لديوان الجزاء للمحكمة العليا للتحقيقات النهائية بشأن (٣) قضايا جزائية خلال زيارته إلى محافظة غزني 

بتوجيه خاص من قاضي القضاة ورئيس المحكمة العليا، فضيلة الشيخ عبد الحكيم (حقاني)، قام الرئيس العام لديوان الجزاء بالمحكمة العليا، فضيلة المفتي عتيق الله (درويش)، بمرافقة المفتي عبد الحي. . .

أحد, فبراير 02 2025 2:59 مساء
Background image

إكمال الرئيس العام لديوان الجزاء بالمحكمة العليا للتحقيقات النهائية في (۷) قضايا جزائية خلال زيارته لمحافظة بكتيا

بتوجيه خاص من قاضي القضاة  ورئيس المحكمة العليا فضيلة الشيخ عبد الحكيم (حقاني)، قام الرئيس العام لديوان الجزاء بالمحكمة العليا سماحة المفتي عتيق الله (درويش)، في تاريخ ۲/ شعبان المعظم/. . .

سبت, ديسمبر 14 2024 3:26 مساء
Background image

بدء ندوة تعزيز القدرات لمديري الدواوين المركزية في المحكمة العليا وسائر الموظفين الإداريين

أطلقت إدارة تقييم الأداء وتطوير القدرات بالمحكمة العليا اليوم السبت (١٢/٦/١٤٤٦ هـ ق) ندوة تدريبية تهدف إلى تعزيز الكفاءات المهنية، لمديري الدواوين التابعة للتميز المركزي وسائر الموظفين. . .

BACK TO NEWS