د خوست ولایت محاکمو په يوه مياشت کې د (۳۸۵) دوسیو پر حل او فصل سربېره (۱۷۴) وثیقې هم اجراء کړې دي

د خوست ولايت مرافعه محکمې، ښاري ابتداٸيه محکمې، اختصاصي محکمې، نظامي محکمې او د ټولو ولسواليو ابتداٸيه محاکمو په يوه مياشت کې د ۱/ ۷/ ۱۴۴۵هـ ق نېټې څخه ۳۰/ ۷/ ۱۴۴۵ هـ ق نېټې پورې د (۳۸۵) دوسيو پر حل او فصل سربېره، (۱۷۴) وثيقې هم اجرا کړې دي، چې جزئيات يې په لاندې ډول دي.
په حقوقي برخه کې: 
په حقوقي برخه کې (۳۰) دوسیې مکتوبي مستردې شوې، د (۱۳۲) دوسیو په اړه قضائي قرارونه صادر شوي، (۶۷) دوسیې فیصله شوې او پاتې دوسیې تر کار لاندې دي. 
په جزائي برخه کې: 
 په جزائي برخه کې (۱۹) دوسیه مکتوبي مستردې شوې، د (۳۳) دوسیو په اړه قضائي قرارونه صادر شوي، (۱۰۴) دوسیې فیصله شوې او پاتې دوسیې تر کار لاندې دي.
د وثيقو برخه کې:
د خوست ولايت محاکمو په يوه مياشت کې (۱۷۴) بېلا بېلې وثيقې هم اجرا کړې دي.