د پکتیا ولایت مرافعه محکمې رئیس د امارتي ادارو له مسؤولينو سره وکتل
د پکتیا ولایت مرافعه محکمې رئيس الحاج مفتي عبیدالله (خالد)؛ د امر بالمعروف، نهي عن المنکر او شکایاتو اورېدو او د حج او اوقافو ریاستونو له رئیسانو سره، په ۱۳/ ۶/ ۱۴۴۷ هـ ق نېټه د امربالمعروف قانون د تطبیق اړه غونډه وکړه.
د غونډې په پيل کې د مرافعه محکمې رئیس یادو رئیسانو ته ښه راغلاست ووایه او زیاته یې کړه، د امر بالمعروف قانون باید وخت په وخت په خلکو باندې تطبیق شي، د عالیقدر امیرالمؤمنین (حفظه الله تعالی) فرامینو ته درناوی وشي، په خلکو د یاد قانون د تطبیق په اړه باید غونډې جورې شي او په هره ممکنه لار چې وي له خلکو سره شریک کړل شي، په ځانګړې توګه د ښځو حقوق، د بېلګې په توګه په بدو کې نه ورکول، کورني تاوتریخوالی او دوی ته د شرعي حقونو ورکولو په اړه خبرې وشوې.
د ليدنې په دوام د امر بالمعروف او نهي عن المنکر رئیس حجت الله (ساحر زاده باچا) وویل، د امر بالمعروف قانون او د شیخ صاحب فرامین باید په خپل وخت تر خلکو ورسېږي او د عمل جامه ورکړل شي.
دغه راز د حج او اوقافو رئیس عبدالسلام (حقاني) وویل، له ټولو خطیبانو سره به د یادې موضوع په اړه غونډې وکړو او دا هدایت به ورته وکړو چې په خپلو مساجدو کې له خلکو سره یاد موضوعات شریک کړي، تر څو خلک د شرعیت په رڼا کې د خپلو حقوقو څخه خبر او د ظلم مخنیوی وشي.
