په بلخ ولايت کې يوه کس ته تعزیري سزا ورکړل شوه
د بلخ ولايت اړوند د بلخ ولسوالۍ ابتدائیه محکمې د پرېکړې له مخې يوه کس ته د نامشروع اړيکو په جرم او زنا په تور، په ۲۹/ ۱۰/ ۱۴۴۷هـ ق نېټه تعزیري سزا ورکړل شوه.
ابتدائیه محکمې یاد کس پر دوه کاله تنفيذي بند او ۳۹ دُرو تعزیري سزا محکوم کړی و؛ چې یاده پرېکړه د مرافعه محکمې او سترې محکمې عالي مقام له تائيد وروسته تطبيق شوه.
په دې موخه جوړه شوې غونډه کې د یادې محکمې رئيس او قضائي غړو، د امارتي ادارو مسؤولينو، علماء کرامو، ګذر وکیلانو او مرجعينو ګډون درلود.
غونډه د قرآنکریم د څو مبارکو آیتونو په تلاوت پیل شوه؛ ورپسې د یادې ابتدائیه محکمې رئیس مولوي عبدالناصر (حقدوست) د زنا د حرمت او د شرعي احکامو د تطبیق په اړه هر اړخیزه وینا وکړه.
