د ارزګان ولايت مرافعه محکمې رئيس د ياد ولايت د چهارچينو ولسوالۍ له ابتدائيه محکمې او زندان څخه ليدنه وکړه
د ارزګان ولایت د مرافعه محکمې عمومي رئیس محترم مولوي سخیداد (ابوالتقي) د مدني دېوان د مفتي مولوي عبدالباري، د جزا دېوان مفتي مولوي عبدالولي او د عامه امنيت دېوان مفتي مولوي خیرالله په ملتيا؛ په ۱۴۴۶/۷/۲۵ هـ ق نېټه د ياد ولایت د چهارچینو ولسوالۍ له ابتدائیه محکمې څخه لیدنه وکړه.
د مرافعه محکمې یاد پلاوي په پيل کې د ابتدائیه محکمې فیصلې، وثایق، صادره او وارده کتابونه وکتل او په تړاو يې مسؤولینو ته لازمې لارښوونې وکړې.
ورپسې يې د چهارچینو ولسوالۍ له زندان څخه لیدنه وکړه، له زندانیانو سره یې له نږدې خبرې وکړې او د هغوی د غوښتنو پر اورېدو سربېره یې له راغلو مراجعینو سره وکتل؛ مراجعینو ته يې د موضوعاتو د حل ډاډ ورکړ.
دغه راز یاد پلاوي د چهارچینو ولسوالۍ د «چاچر او خلچک» له سیمو څخه چې له څه باندې ۲۰ کلونو راهیسې تر دعوې لاندې وې هیئتي وکړه، د دعوې ښکېلو لوريو ته يې ډاډ ورکړ چې موضوع به يې د اصولو او شریعت په ړنا کې حل او فصل کېږي.
