د قضائي تفتیش عمومي ریاست مفتشینو د بلخ ولايت له محاکمو او مرکزي زندان څخه لیدنه وکړه

m_admin
Wed, Oct 30 2024 2:00 PM
د قضائي تفتیش عمومي ریاست مفتشینو د بلخ ولايت له محاکمو او مرکزي زندان څخه لیدنه وکړه

د سترې محکمې د محترم مقام په هدایت د محترم مولوي امان الله (حامد) په مشرۍ د قضائي پلټنې يوه پلاوي چې مولوي عبدالولي (مصباح) او مولوي بخت الله (مدني) په کې د غړيو په توګه دنده لرله، د روان ۱۴۴۶ هـ ق کال د ربيع الاول میاشتې په ۳۰ مه نېټه د بلخ ولایت د محاکمو د تېرو فعالیتونو د څېړنو په موخه ياد ولايت ته سفر وکړ.
 ياد پلاوي د سفر او ليدنې په پیل کې د بلخ ولايت د مرافعه محکمې له محترم رئیس سره وکتل، ورپسې يې د بندیانو ستونزو د څېړلو په موخه د یاد ولایت له مرکزي زندان څخه لیدنه وکړه، د یاد زندان اړوند د ټولو بندیانو بشپړ شهرت، کیفیت، شکایتونه، ستونزې يې له ځان سره وليکل او بیا يې له اړوند محاکمو سره شریک کړل.
د سترې محکمې د عالي مقام لخوا ټاکل شوي پلاوي د خپل کاري پلان له مخې د یاد ولایت د (۱۶) ولسوالیو له ابتدائیه محاکمو، د ښاري او مرافعه محاکمو اړوند دېوانونو، د وثایقو آمریت، حقوقو مديريت او ځانګړې محکمې څخه په جلا جلا ډول لیدنه وکړه.
دغه پلاوي د څارنې بهیر په ترڅ کې د یادو محاکمو له قضائي، اداري او مالي چارو هر اړخیزه پلټنه وکړه، د محاکمو د قضائي او اداري پرسونل د سلوکي او مسلکي اړخونو معلومات يې واخیستل او د چارو د سمون په برخه کې یې ورته لازمې لارښوونې وکړې. 
د قضائي تفتيش پلاوي د محاکمو اړوند شته ستونزې، کاري خنډونه او لوژستیکي نېمګړتیاوې له ځان سره وليکل او د ليدنې په وروستيو کې يې د ستونزو د حل، خنډونو د له منځه وړلو، د شته نېمګړتیاوو د اکمال په اړه د بلخ ولایت د مرافعه محکمې د ریاست له مقام سره تفاهمي ناسته وکړه او ځينې ستونزې يې په جلا جلا توګه ورسره شريکې کړې.
ياد پلاوي د بلخ ولايت د محاکمو په وړاندې د شته ستونزو دقیقه او هر اړخیزه څېړنه وکړه.
د قضائي تفتیش د څارنې او پلټنې پلاوي ياد له لاسته راوړنو ډک سفر د ۱۴۴۶ هـ ق کال د ربيع الثاني میاشتې په ۲۳ مه نېټه پای ته ورسېده.

Latest news

Sun, Feb 02 2025 2:47 PM
Background image

The Supreme Court Criminal Division director finalized Seven important criminal cases during his travels to Paktia province

Under the special guidance of Shaikh Abdul Hakim "Haqani, the chief justice of the supreme court; the head of the criminal division of the supreme court, Mufti Atiqullah "Darwish,” who. . .

Sat, Dec 14 2024 3:18 PM
Background image

A capacity-building seminar for supervisors of central divisions and other administrative staff of the Supreme Court has commenced

The seminar, organized by the Directorate of Evaluation and Capacity Building of the Supreme Court, began on Saturday, 12/6/1446 AH. Its aim is to enhance the professional skills of. . .

Sat, Dec 07 2024 2:31 PM
Background image

The head of the Criminal Division of the Supreme Court traveled to Faryab Province to finalize the investigation of criminal cases

Under the special guidance of Shaikh Abdul Hakim "Haqani”, the chief justice of the supreme court; Mufti Atiqullah “Darwish”, the head of the Criminal Division of the Supreme Court,. . .

BACK TO NEWS