د قضائي تفتیش عمومي ریاست مفتشینو د بلخ ولايت له محاکمو او مرکزي زندان څخه لیدنه وکړه

m_admin
چهارشنبه ۱۴۰۳/۸/۹ - ۱۴:۰
د قضائي تفتیش عمومي ریاست مفتشینو د بلخ ولايت له محاکمو او مرکزي زندان څخه لیدنه وکړه

د سترې محکمې د محترم مقام په هدایت د محترم مولوي امان الله (حامد) په مشرۍ د قضائي پلټنې يوه پلاوي چې مولوي عبدالولي (مصباح) او مولوي بخت الله (مدني) په کې د غړيو په توګه دنده لرله، د روان ۱۴۴۶ هـ ق کال د ربيع الاول میاشتې په ۳۰ مه نېټه د بلخ ولایت د محاکمو د تېرو فعالیتونو د څېړنو په موخه ياد ولايت ته سفر وکړ.
 ياد پلاوي د سفر او ليدنې په پیل کې د بلخ ولايت د مرافعه محکمې له محترم رئیس سره وکتل، ورپسې يې د بندیانو ستونزو د څېړلو په موخه د یاد ولایت له مرکزي زندان څخه لیدنه وکړه، د یاد زندان اړوند د ټولو بندیانو بشپړ شهرت، کیفیت، شکایتونه، ستونزې يې له ځان سره وليکل او بیا يې له اړوند محاکمو سره شریک کړل.
د سترې محکمې د عالي مقام لخوا ټاکل شوي پلاوي د خپل کاري پلان له مخې د یاد ولایت د (۱۶) ولسوالیو له ابتدائیه محاکمو، د ښاري او مرافعه محاکمو اړوند دېوانونو، د وثایقو آمریت، حقوقو مديريت او ځانګړې محکمې څخه په جلا جلا ډول لیدنه وکړه.
دغه پلاوي د څارنې بهیر په ترڅ کې د یادو محاکمو له قضائي، اداري او مالي چارو هر اړخیزه پلټنه وکړه، د محاکمو د قضائي او اداري پرسونل د سلوکي او مسلکي اړخونو معلومات يې واخیستل او د چارو د سمون په برخه کې یې ورته لازمې لارښوونې وکړې. 
د قضائي تفتيش پلاوي د محاکمو اړوند شته ستونزې، کاري خنډونه او لوژستیکي نېمګړتیاوې له ځان سره وليکل او د ليدنې په وروستيو کې يې د ستونزو د حل، خنډونو د له منځه وړلو، د شته نېمګړتیاوو د اکمال په اړه د بلخ ولایت د مرافعه محکمې د ریاست له مقام سره تفاهمي ناسته وکړه او ځينې ستونزې يې په جلا جلا توګه ورسره شريکې کړې.
ياد پلاوي د بلخ ولايت د محاکمو په وړاندې د شته ستونزو دقیقه او هر اړخیزه څېړنه وکړه.
د قضائي تفتیش د څارنې او پلټنې پلاوي ياد له لاسته راوړنو ډک سفر د ۱۴۴۶ هـ ق کال د ربيع الثاني میاشتې په ۲۳ مه نېټه پای ته ورسېده.

تازه خبرونه

چهارشنبه ۱۴۰۳/۱۱/۳ - ۱۶:۲۷
Background image

په پکتيکا ولايت کې دوو کسانو ته تعزيري سزا ورکړل شوه

د پکتيکا ولايت د خيرکوټ او جانيخېل ولسواليو د ابتدائيه محاکمو د پرېکړو له مخې يو کس ته د لواطت په تور او بل کس ته ديني شعايرو او اسلامي ارزښتونو ته د سپکاوي په جرم د روان ۱۴۴۶ هـ ق کال. . .

چهارشنبه ۱۴۰۳/۱۱/۳ - ۱۵:۵۵
Background image

په کندهار ولايت کې يوه متهم ته تعزيري سزا ورکړل شوه

د کندهار ولايت د لوړ میوند ولسوالۍ ابتدائیه محکمې د پرېکړې له مخې يو کس ته چې پر لواطت متهم و؛ په ۱۴۴۶/۷/۱۹ هـ ق نېټه د محکمې په انګړ کې تعزيري سزا ورکړل شوه.
ابتدائيه محکمې یاد متهم پر. . .

چهارشنبه ۱۴۰۳/۱۱/۳ - ۱۵:۵۳
Background image

په پروان ولايت کې يوه متهم ته تعزیري سزا ورکړل شوه

د پروان ولايت د بګرام ولسوالۍ ابتدائيه محکمې د پرېکړې له مخې يو کس ته چې پر لواطت متهم و؛ په ۱۹/ ۷/ ۱۴۴۶ هـ ق نېټه تعزیري سزا ورکړل شوه.
ابتدائيه محکمې یاد متهم پر درې کاله تنفيذي بند. . .

بیا په خبرونو کی