د بلخ، بدخشان او غور ولایتونو د حقوقو آمریتونو په یوه میاشت کې (۲۳۶۲) عرضپاڼو او دوسيو ته رسېدنه کړې ده
د سترې محکمې د حقوقو عمومي ریاست اړوند د بلخ، بدخشان او غور ولایتونو د حقوقو آمریتونو په یوه میاشت کې له ( ۱۴۴۷/۷/۱ هـ ق څخه تر ۲۹ /۷ /۱۴۴۷هـ ق) نېټې پورې (۲۳۶۲) عرضپاڼو او دوسيو ته رسېدنه کړې ده؛ چې جزئيات يې په لاندې ډول دي.
د عرضپاڼو په برخه کې:
د بلخ، بدخشان او غور ولایتونو د حقوقو آمریتونو په یوه میاشت کې د مدني، فاميلي او سوداګریزو دعواوو په برخه کې (۱۶۵۸) عرضپاڼو ته رسېدنه کړې ده.
له دې جملې څخه (۳۸۰) عرضپاڼې اصلاح او ابراء شوې، (۶۵۲) عرضپاڼې محاکمو ته لېږل شوې، (۵۲) عرضپاڼې نورو ادارو ته راجع شوې، (۵۷۴) عرضپاڼې حفظ شوې او پاتې عرض پاڼې تر کار لاندې دي.
د دوسيو په برخه کې:
د بلخ، بدخشان او غور ولایتونو د حقوقو آمریتونو په یوه میاشت کې د مدني، فاميلي او سوداګریزو دعواوو په برخه کې (۷۰۴) دوسيو ته رسېدنه کړې ده.
له دې جملې څخه (۹۷) دوسيې تطبيق شوې، (۷۲) دوسيې محاکمو ته لېږل شوې، (۳۴) دوسيې نورو ادارو ته راجع شوې، (۵۰۱) دوسيې حفظ شوې او پاتې دوسیې تر کار لاندې دي.
