د میدان وردګ ولایت د مرافعه محکمې رئيس د یاد ولایت د څلورو ولسوالیو ابتدائيه محاکمو او ښاري محکمې څخه لیدنه وکړه
د میدان وردګ ولایت د مرافعه محکمې عمومي رئيس محترم مفتي عبدالله (فرقاني)؛ د تحریراتو د آمر عبدالحنان (ابواحمد) په ملتیا د ميدان وردګ ولایت د جغتو، سیدآباد، دایمیرداد او جلریز ولسوالیو د ابتدائيه محاکمو او له ښاري ابتدائیه محکمې څخه په ۹ /۶ /۱۴۴۶ هـ ق نېټه ليدنه وکړه.
په دې ليدنه کې د مرافعه محکمې رئیس په یادو محاکمو کې د جزائي او حقوقي دوسیو او اجراآتو څخه څارنه وکړه.
دغه راز د مرافعه محکمې رئيس په دې ليدنه کې د یادو محاکمو مسؤولينو ته د چارو د لا ښه والي، دوسيو د ژر رسېدنې او مراجعينو د آواز اورېدو په برخو کې لازمې سپارښتنې وکړې.
