د زابل ولایت د مرافعه محکمې د مرستيال مولوي محمد عبدالله (اخندزاده) د معرفت غونډه وشوه
د زابل ولایت د مرافعه محکمې لپاره نوی مرستيال مولوي محمد عبد الله (اخندزاده) د مرافعه محکمې د رئيس محترم مفتي عبدالجليل (سفيان) لخوا په ۱۸/ ۴/ ۱۴۴۶ هـ ق نېټه د محاکمو مسؤولينو او کارکوونکو ته ور وپېژندل شو او رسماً یې چارې پیل کړې.
د معرفت غونډه د قرآنکريم د څو مبارکو آياتونو په تلاوت پیل شوه؛ ورپسې د مرافعه محکمې محترم رئيس د غونډې ګډونوالو ته ښه راغلاست ووايه، ټولو مسؤولينو ته یې په چارو کې د بریالیتوب دعا وکړه او له ګډونوالو يې غوښتنه وکړه چې له نوي مرستيال سره په چارو کې پوره همکاري وکړي.
د غونډې په وروستيو کې د مرافعه محکمې مرستيال خبرې وکړې وویل، دنده امتياز نه؛ بلکې مسؤولیت او ازموينه ده.
نوموړي زیاته کړه، زه له تاسو ټولو څخه د دعا غوښتنه کوم، ترڅو په دې آزموينه کې بريالی او د خدمت جوګه شم.
غونډه د دعا په ويلو پای ته ورسېده.