د پکتیا ولایت د محاکمو د مسؤولینو او کارکوونکو ترمنځ اداري ناسته ترسره شوه
د ۱۴۴۴هـ ق کال د شعبان میاشتې په ۲۸مه نېټه د پکتیا ولایت د مرافعه محکمې عمومي رئیس الحاج مفتي عبیدالله (خالد) د دغه ولایت له اړوند قضاتو، مفتیانو، محررینو، اداري، نظامي او خدماتي کارکوونکو سره په خپل کاري دفتر کې لیدنه وکړه.
ناسته د مولوي عبدالرحمن (زاهد) لخوا د قرانکریم د مبارکو آیاتونو په تلاوت پیل شوه؛ وروسته د مرافعه محکمې رئیس د ناستې ګډونوالو ته ښه راغلاست وویل او په خپلو خبرو کې یې زیاته کړه چې په جماعت سره د لمانځه پابندي وکړئ، د روژې په راتلو او د روژې پر فضلیت یې خبرې وکړې، په روژه کې یې له مراجعینو سره په نېک چلند ټینګار وکړ، درنو قضاتو ته یې سپارښتنې وکړې ترڅو د روژې د میاشتې په خاطر د محبوسینو دوسیې ژر تر ژره وڅېړي او د کمو جرمونو درلودونکي محبوسین دې اصولا له محبس نه خلاص شي.
دغه راز د مرافعه محکمې رئیس د محبوسینو د اجناسو په هکله خبرې او سپارښتنې وکړې.
ناسته د دعا په ویلو سره پای ته ورسېده.
