د سترې محکمې د جزاء دېوان عمومي ریاست قضائي پلاوي د هیواد څلورو ولایتونو ته سفر وکړ
د سترې محکمې د مرکزي تمیز اړوند د جزاء دېوان عمومي رئیس محترم مفتي عتیق الله دروېش صاحب په مشرۍ د دغه ریاست څلور کسیزه قضائي پلاوي چې، محترم مفتي عبدالحی صاحب، محترم مفتي محمد سلیم صاحب او محترم مفتي سیداحمد مزمل صاحب یې غړیتوب درلود په ۱۹ /۸ /۱۴۴۴ هـ ق نېټه د هیواد څلورو ولایتونو (بلخ، سرپل، جوزجان او فاریاب) ته د جنائي او جزائي موضوعاتو اړوند قضایاوو د څېړلو په موخه سفر وکړ.
د سترې محکمې د جزاء دېوان ریاست دغه پلاوي یادو ولایتونو ته د سفر پر مهال د جنائي او جزائي موضوعاتو اړوند شاوخوا ۱۸ دوسیې وڅېړلې، د قضیو طرفین یې د اړوند ولایت استیناف محاکمو ته راوغوښتل او له هغوی څخه یې تحقیقات ترسره کړل.
پر دې سربېره د جزاء دېوان عمومي ریاست قضائي پلاوي د یادو څلورو ولایتونو له زندانونو څخه لیدنه وکړه او د جزائي موضوعاتو اړوند بندیانو څخه یې د دوی د برخلیک، محاکمو ته د زندانیانو د قضایاوو د راجع کېدو او نورو مهمو موضوعاتو په تړاو جلا، جلا پوښتنې وکړې.
د ولایتي زندانونو جزائي بندیانو د سترې محکمې د جزاء دېوان له قضائي پلاوي څخه خوښي څرګنده کړه او له دوی یې مننه وکړه چې له نږدې یې د زندانیانو د وضعیت او حالت په اړه پوښتنې وکړې.
