د زابل ولایت شهرصفا ولسوالۍ ابتدائيه محکمې په هڅو د قتل دوه موضوعات حل او فصل شول
د زابل ولایت شهرصفا ولسوالۍ ابتدائيه محکمې مسؤولينو په ډېرو هڅو؛ د قومي مشرانو او سپين ږېرو په منځګړيتوب، د ترافيکي پېښو له امله رامنځته شوې د قتل دوه موضوعات، د ۱۴۴۷ هـ ق کال د جمادی الآخرة میاشتې په ۲مه او ۱۵ مه نېټه حل او فصل شول.
یادې ترافيکي پېښې د مازدا، پاسو، ټيلر او بابوجي موټرو د ټکر له امله رامنځته شوې وي، چې دوه نفره پکې په شهادت رسېدلي وو.
یاد موضوعات ابتدائيه محکمې ته تر راجع کېدو وروسته په غور او دقت وڅېړل شول.
ورپسې د ابتدائيه محکمې رئیس مفتي عزيزالله (افغان) طرفينو ته د سولې ترغيب ورکړ او د قاتلینو لخوا د مقتولینو وارثينو ته يوه اندازه ديت ورکولو وروسته يې ورته بخښنه وکړه او دواړه موضوعات رسماً پای ته ورسېدل.
