د فراه ولایت د مرافعه محکمې د مسؤولینو په هڅو د قتل موضوع حل او فصل شوه

د فراه ولايت د مرافعه محکمې د مسؤولينو په ډېرو هڅو، د علماء کرامو او سپين ږېرو په منځګړيتوب په ۱۴/ ۵/ ۱۴۴۶هـ ق نېټه د عمدي قتل له امله رامنځته شوې د قتل موضوع حل او فصل شوه.
فراه ولايت کې د عمدي قتل يوه پېښه رامنځته شوې وه، وروسته ياده موضوع د ښاري ابتدائيه محکمې لخوا وڅېړل شوه، یادې محکمې د مدعیان علیهما له ډلې یو تن پر قصاص او یوه ښځه پر شل کاله تنفيذي بند محکومه کړه او یاده پرېکړه د مرافعه محکمې لخوا هم تائيد شوه.
وروسته د مرافعه محکمې د جزا دېوان قضائي پلاوي له لوري د یادې قضیې جانبين سولې ته ترغيب شول، دوی هم سولې ته لېوالتيا وښوده او مدعيان عليهما لخوا هر مدعي ته دیت ورکړل شو.
ياده سوله د مرافعه محکمې لخوا تائيد او موضوع رسماً پای ته ورسېده.