د کندهار ولایت د محاکمو د مسؤولینو ترمنځ غونډه ترسره شوه
د سه شنبې په ورځ (۱۵/۱/۱۴۴۵هـ ق) نېټه دکندهار ولایت د مرافعه محکمې د رئيس محترم شیخ مولوي عبدالغفار(بحر)صاحب په مشرۍ د یاد ولایت د محاکمو اړوند دېوانونو د رئيسانو غونډه ترسره شوه.
غونډه د ترافیکو دېوان د رئیس محترم تاج محمد صاحب لخوا د قرآنکریم د څومبارکو آیاتونو په تلاوت پیل شوه، وروسته محترم شیخ عبدالغفار(بحر) صاحب وینا وکړه وویل، ښاري ابتدائیه محکمه انتقال چې مخکې يې په عینو مینه کې موقعیت درلود، انتقال يې د مرافعه محکمې او تمیز عالي مقام څنګ ته ډېر نیک او ګټور عمل دی، ځکه اوس یادې محکمې ته د مراجعینو د تګ راتګ او له مرافعه محکمې او تمیز څخه د ښاري محکمې د لرې واټن ستونزې حل شوې.
دغه راز محترم بحر صاحب زیاته کړ ه چې د مراجعینو لپاره د بعضې سهولتونو د ایجاد لپاره دجنوب غرب زون تمیز عالي مقام دمحترم رئیس صاحب او د کندهار ولایت محترم والي صاحب د همکارۍ ژمنه کړې ده چې په یاده محکمه کې به نارینه او ښځینه مراجعینو لپاره تشنابونه او د اوداسه ځایونه جوړکړي اود مراجعینولپاره د سهولت برابرولو پر یولړ نورو لارو چارو هم بحث وشو.
پر یادو مواردو سربېره د ځينو قضائي او اداري موضوعاتو په اړه هم د ناستې ګډونوالو خبرې وکړې او په اړه یې لازم تصمیمونه ونیول شول.
غونډه ددعا په ویلو پای ته ورسېده.
