د کابل د مرافعه محکمې عمومي رئیس د دې محکمې له  دېوانونو او مخزن څخه لیدنه وکړه

د کابل د مرافعه محکمې عمومي رئیس ښاغلي مولوي عبدالشکور (رشاد آخندزاده) صاحب د ۱۴۴۵ هـ ق کال د صفرالمظفر میاشتۍ په ۲۲مه، ۲۴مه، ۲۵مه او ۲۶مه نېټه د دې محکمې اړوند مدني دېوان، تجارتي دېوان، نظامي منسوبینو دېوان او مخزن څخه د اجراآتو د څارنې په موخه  لیدنه وکړه.

ښاغلي رشاد صاحب د یادو دیوانونو  اجرا شوې فیصلې، قرارونه او اداري اجراآت  وکتل او د یادو دېوانونو مسلکي غړو ته یې هدایت وکړ چې په خپلو اجراآتو ڪې دې نوبت مراعات او دوسیو ته دې په ټاکلي وخت رسېدنه وکړي.

دغه راز ښاغلي مولوي رشاد آخندزاده صاحب د سندونو او وثیقو له عمومي مخزن څخه د لیدنې پر مهال  د دغه آمریت د وثیقو کندې، د سندونو او وثیقو د آمریتونو څخه مخزن ته راغلي استعلامونه او د مخزن ځوابونه، اداري اجراآت، د اسنادو په ساتلو کې د دغه آمریت کړنې او ځینې نور موضوعات وکتل.

ښاغلي رشاد صاحب د اسنادو د ساتلو ځای ته په ورتګ سره د ځینو مثبتو تغیراتو په راتګ سره د یاد آمریت وستایل او د کارونو لا تنظیم او ښه والي ته یې وهڅول.