د سترې محکمې محترم رئیس او قاضي القضات فاریاب ولایت ته سفر وکړ

org_admin
پنجشنبه ۱۴۰۱/۶/۱۷ - ۹:۱۰
د سترې محکمې محترم رئیس او قاضي القضات فاریاب ولایت ته سفر وکړ

د افغانستان اسلامي امارت د سترې محکمې رئیس او قاضي القضات محترم شیخ عبدالحکیم (حقاني) حفظهالله او د سترې محکمې قضائي مرستیال محترم شیخ محمد قاسم (راسخ) د یوه قضائي پلاوي په ملتیا ولایتونو ته د سفر په دوام په ۸/۲/۱۴۴۴ هـ ق نېټه فاریاب ولایت ته سفر وکړ.

شیخ صاحب حفظه الله د دغه سفر پر مهال د فاریاب استیناف محکمې ریاست ته له تګ وروسته د دغه ولایت د مقام په تالار کې د مرافعه محکمې له رئیس، محترم والي، محترم مرستیال والي، د محاکمو له قاضي صاحبانو او د یاد ولایت له اوسېدونکي سره وکتل.

محترم شیخ صاحب حفظهالله د دې کتنې پر مهال قاضیانو او د ناستې ګډونوالو ته په خطاب هدایت او توصیه وکړه چې خپلې اړوند چارې دې پر ټاکلي وخت ترسره کوي.

د سترې محکمې محترم رئیس او قاضي القضات حفظهالله وویل، قضات باید د اسلامي شریعت او سترې محکمې د عالي مقام د هدایاتو او اوامرو مطابق د عدالت د تامین برخه کې خپل لوی مسوولیت په ښه ډول ترسره کړي، هڅه دې وکړي چې د مراجعینو دوسیو ته پر وخت اصولي رسېدنه وکړي او له خلکو سره دې ښه تعامل او غوره اخلاق وکړي، د مراجعینو له ځورولو څخه دې په جدي ډول ځان وساتي.

محترم قضات دې هر وخت هغه اصول، مقررې او متحدالمآلونه چې د سترې محکمې له لارې دوی ته استول کېږي په غور او دقت سره مطالعه او ځان دې پرې پوه کړي، هڅه دې وکړي چې محاکمو ته راجع شوو دوسیو ته په ټاکلي وخت رسېدنه وکړي او تر اجراآتو وروسته یې اړوند مراجعو ته ولېږي.

شیخ صاحب حفظه الله زیاته کړه، محترم قضات باید په خپل منځ، او له نورو ادارو سره لازمه همغږي ولري.

د فاریات ولایت د استیناف محکمې رئیس د سترې محکمې له محترم رئیس او قاضي القضات حفظهالله او ورسره مل قضائي پلاوي څخه دغه ولایت ته د سفر په پار مننه وکړه، د عالي مقاماتو د هدایاتو عملي کول یې حتمي او لازمي وبلل.

یاده ناسته د ګډونوالو له خبرو او وړاندیزونو اورېدو وروسته د خیر او فلاح په دعا پای ته ورسېده.

تازه خبرونه

یکشنبه ۱۴۰۲/۹/۱۹ - ۱۵:۱۰
Background image

کابل کې یوه متهم ته تعزیري سزا ورکړل شوه


د روان کال د جمادی الأولی میاشتې په ۲۵مه نېټه د کابل ښار د ابتدائیه محکمې د څلورم زون د جزا دېوان په حکم یوه متهم ته په عام محضر کې تعزیري سزا ورکړل شوه.
د دغه کس دوسیه چې په زنا متهم. . .

یکشنبه ۱۴۰۲/۹/۱۹ - ۱۴:۳۳
Background image

د بلخ محاکمو په دوو اونيو کې د (۴۳۷) دوسیو پر حل او فصل سربېره (۲۱۰) وثیقې هم اجرا کړې دي


د بلخ ولايت مرافعه محکمې، وثايقو، ښاري ابتدائیه محکمې، د زون نظامي محکمې او د ټولو ولسواليو ابتدائیه محاکمو په دوو اونیو کې له ( ۱۱/ ۵/ ۱۴۴۵هـ ق نېټې څخه تر ۲۳/ ۵/ ۱۴۴۵ هـ ق) نېټې پورې. . .

یکشنبه ۱۴۰۲/۹/۱۹ - ۱۴:۳۰
Background image

د سترې محکمې د تدارکاتو آمریت خبرتیا


د تدارکاتو قانون د ۴۳مې مادې د دویمې فقرې له مخې ټولو هیوادوالو ته خبر ورکول کیږي چې د افغانستان اسلامي امارت ستره محکمه په نظر کې لري د ۱۴۰۲هـ ش مالي کال لپاره د لمرپاینټ لوژستیکي. . .

بیا په خبرونو کی