د خوست محاکمو  د ۱۴۴۴ هـ ق کال په جریان کې د (2748) دوسیو پر حل او فصل سربېره، (2179) وثیقې هم اجرا کړې دي

په دغه راپور کې له ۱/۱/۱۴۴۴هـ ق څخه د  ۱۴۴۴هـ ق کال تر پایه د خوست ولایت د مرافعه محکمې، ښاري ابتدائیه محکمې او ولسوالیو د ابتدائیه محاکمو حقوقي، جزائي او تجارتي اجراآت شامل دي.

په  حقوقي برخه کې:

په ۱۴۴۴هـ ق کال کې د خوست محاکمو ته  (1646) حقوقي دوسیې راجع شوې دي؛ په داسې حال کې چې مخکې هم  یو شمېر دوسیې موجودې او تر دوران لاندې وې.

له دې جملې څخه (358) دوسیې مکتوبي مستردې شوې، د (974) دوسیو په اړه قضائي قرار صادر شوي، (314)دوسیې فیصله شوې او پاتې دوسیې تر کار لاندې دي.

په جزائي برخه کې:

په ۱۴۴۴هـ ق کال کېد خوست ولایت محاکمو ته (1332)جزائي دوسیې راجع شوې دي؛ په داسې حال کې چې مخکې هم یو شمېر دوسیې موجودې او تر دوران لاندې وې.

له دې جملې څخه (139) دوسیه مکتوبي مستردې شوې، د (299) دوسیو په اړه قضائي قرارونه  صادر شوي، (664) دوسیې فیصله شوې او پاتې دوسیې تر کار لاندې دي.

دغه راز په یاده موده کې (2179) بېلا بېل وثایق هم اجرا شوې دي.