د سترې محکمې د ظرفيت لوړونې او اجراآتو ارزونې رياست لخوا د کابل ولایت مرافعه محکمې د وثايقو او اسنادو د ثبت شپږو آمريتونو کارکوونکو ته (دوه)، څلور ورځني سيمينارونه وړاندې شول

m_admin
پنجشنبه ۱۴۰۳/۱۱/۲۵ - ۱۱:۴۵
د سترې محکمې د ظرفيت لوړونې او اجراآتو ارزونې رياست لخوا د کابل ولایت مرافعه محکمې د وثايقو او اسنادو د ثبت شپږو آمريتونو کارکوونکو ته (دوه)، څلور ورځني سيمينارونه وړاندې شول

د سترې محکمې د ظرفیت لوړونې او اجراآتو د ارزونې ریاست لخوا د سترې محکمې عالي مقام په هدایت د کابل ولايت مرافعه محکمې اړوند وثايقو او اسنادو د ثبت شپږو حوزو د آمريتونو کارکوونکو ته د اداري اجراآتو زده کړې په موخه (دوه)، څلور ورځني سیمینارونه وړاندې شول.
په یادو سیمینارونو کې چې د روان ۱۴۴۶ هـ ق کال د شعبان المعظم میاشتې په ۲مه نېټه پیل او د همدې میاشتې تر ۱۲مې نېټې یې دوام درلود، د مسلکي استادانو لخوا ګډونوالو ته د وثايقو د ترتیب او طی مراحلو، د پلان جوړونې اساساتو، اداري مراسلاتو، کاري ارتباطاتو او راپور ليکنې اړوند ګټور او لازم موارد تدریس شول.
دغه راز د سیمينارونو په پای کې ټول ګډونوال د لومړنۍ او وروستۍ ازموينې په توګه و ارزول شول، ترڅو د پلي شوو سیمينارونو د اغېز کچه په ډاګه شي، چې په پايله کې يې اغېز مثبت او د ګډونوالو په زده کړه کې په لوړه کچه بدلون راغلی و.
د يادو سيمينارونو په اختتاميه غونډه کې د سترې محکمې د استخدام او سوانحو رئيس محترم مفتي عبدالوارث (سعيد) د علم د حاصلولو او کاري ظرفيت لوړونې په تړاو او د ظرفيت لوړونې او اجراآتو د ارزونې رئيس محترم حافظ نصير احمد (صياد) د وثایقو د ترتيب او طی مراحلو، په اداري چارو کې د دقت، سرعت او مؤثريت اړوند ګډونوالو ته هر اړخيزې خبرې وکړې او د ګډونوالو نظريات او وړانديزونه يې واورېدل.
د یادونې وړ چې په یادو سيمينارونو کې شاوخوا (۶۰) اداري کارکوونکو برخه اخيستې وه.
د سیمینارونو اختتامیه غونډه د دعاء په ويلو پای ته ورسېده.

تازه خبرونه

پنجشنبه ۱۴۰۳/۱۲/۲۳ - ۱۰:۵۳
Background image

د لغمان ولايت مرافعه محکمې رئيس د یاد ولايت د عدليې، کرنې، اوبو لګولو او مالدارۍ ریاستونو له رئيسانو سره وکتل

د لغمان ولایت مرافعه محکمې رئیس محترم مولوي عبدالکریم (حقاني)؛ په ۱۰/ ۹/ ۱۴۴۶ هـ ق نېټه په خپل کاري دفتر کې د یاد ولايت د عدلیې ریاست رئیس مولوي عبدالستار (حماس)، د غصب شويو ځمکو د. . .

پنجشنبه ۱۴۰۳/۱۲/۲۳ - ۱۰:۴۸
Background image

د کندهار، فاریاب او کونړ ولایتونو د حقوقو آمريتونو په یوه میاشت کې (۱۸۸۳) عرض‌پاڼو او دوسيو ته رسېدنه کړې ده

د سترې محکمې د حقوقو عمومي ریاست اړوند د کندهار، فاریاب او کونړ ولايتونو د حقوقو آمريتونو په يوه مياشت کې له (۱/ ۸/ ۱۴۴۶ هـ ق څخه تر ۲۹/ ۸/ ۱۴۴۶هـ ق) نېټې پورې (۱۸۸۳) عرض‌پاڼو او دوسيو. . .

پنجشنبه ۱۴۰۳/۱۲/۲۳ - ۱۰:۴۱
Background image

د کابل ولايت محاکمو په يوه میاشت کې (۳۲۳۹) دوسیو ته پر رسېدنه سربېره، (۳۲۵۸) وثیقې هم اجرا کړې دي

د کابل ولايت مرافعه محکمې، ښاري ابتدائيه محکمې، د ټولو ولسواليو ابتداٸيه محاکمو او د وثايقو آمريتونو په یوه میاشت کې (له ۱/ ۸/ ۱۴۴۶هـ ق نېټې څخه ۲۹ /۸ / ۱۴۴۶هـ ق) نېټې پورې (۳۲۳۹) دوسيو. . .

بیا په خبرونو کی