د پکتیا زون نظامي محکمې رئیس د پکتيکا ولايت له عمومي محبس څخه ليدنه وکړه
د پکتیا زون نظامي محکمې رئیس الحاج مولوي عبدالجلیل آغا (حسیني)، د یاد زون پکتیکا څانګې د نظامي محکمې د رئیس مفتي عبدالحکیم (حکیمي) په ملتيا، په ٢٥/ ۱۱/ ۱۴۴۷هـ ق نېټه د پکتیکا ولایت له عمومي محبس څخه لیدنه وکړه.
د ليدنې په پيل کې یاد هيئت د محبس له مسؤولینو سره وکتل؛ ورپسې يې د ټولو بندیانو احوال واخیست او له هر بندي سره يې جلا جلا لیدنه وکړه.
یاد هيئت د ټولو بندیانو غوښتنې واورېدې؛ ډاډ يې ورکړ، چې ستاسو اړتیاوې به له اړوند مسؤولینو سره شریکې او له اصولو سره سم به ورته رسېدنه وشي.
