په پکتيا ولايت کې د مقتولې کورنۍ قاتلینو ته بخښنه وکړه
د پکتیا ولايت د مرافعه محکمې رئيس محترم مفتي عبیدالله (خالد) او د دې محکمې د جزا دېوان رئيس مفتي محمد کریم (فایق) د ډېرو هڅو او نېکو توصيو په پایله کې په ۲۵/ ۵/ ۱۴۴۶هـ ق نېټه د قتل یوه موضوع حل او فصل شوه.
د قتل یاده موضوع د پکتیا ولایت محاکمو ته تر راجع کېدو وروسته په ډېر غور او دقت وڅېړل شول؛ د مرافعه محکمې رئیس او نورو مسؤولینو د قضیې دواړه لوري سولې ته ترغیب کړل، چې په پایله کې د مقتولې کورنۍ قاتلینو ته بخښنه وکړه.
په دې موخه جوړه شوې غونډه کې د مرافعه محکمې رئيس د مقتولې له وارثينو څخه مننه وکړه وویل، بخښنه کوونکو ته الله تعالی بې حسابه اجرونه ورکوي او د غونډې ګډونوالو ته يې د بخښنې اړوند مهمه وینا وکړه.
غونډه د دعا په ویلو پای ته ورسېده.
