محترم مولوي محمد يونس د لغمان ولايت د مرافعه محکمې د نوي مرستيال په توګه معرفي شو
د لغمان ولايت د مرافعه محکمې لپاره نوی مرستيال محترم مولوي محمد يونس (خالص) په ۲۰/ ۴/ ۱۴۴۶هـ ق نېټه د يوې غونډې په ترڅ کې د يادې محکمې قضائي غړو او اداري کارکوونکو ته ور وپېژندل شو.
په دې موخه جوړه شوې غونډه کې د مرافعه محکمې عمومي رئيس محترم مولوي عبدالکريم (حقاني)، د ښاري ابتدائیه محکمې رئيس او د ولسواليو د ابتدائيه محاکمو رئيسانو ګډون درلود.
غونډه د قرآنکريم د څو مبارکو آياتونو په تلاوت پيل شوه؛ ورپسې د مرافعه محکمې رئيس د قضاتو د مسؤولیتونو اړوند تفصیلي خبرې وکړې، په چارو کې پر چټکتیا، اصولو او حاضرۍ ته پر پابندۍ او د مسؤوليتونو په ښه ډول سرته رسولو يې ټینګار وکړ.
د غونډې په دوام ګډونوالو په بېلا بېلو موضوعاتو بحثونه او د نظرونو تبادله وکړه، چې د ځینو موضوعاتو او اجراآتو لپاره مشورې وشوې او حللارې ورته ولټول شوې.
د غونډې په پای کې د مرافعه محکمې نوی مرستيال رسماً معرفي شو.
غونډه د دعا په ویلو پای ته ورسېده.
