د کونړ ولایت د مرافعه محکمې د مسؤولينو په هڅو د دوو کورنيو ترمنځ دښمني په دوستۍ بدله شوه
د کونړ ولایت د مرافعه محکمې د رئيس محترم مولوي محمد ايوب (قلم)، د مرافعه محکمې د مخکني رئيس مولوي عزيزالرحمن (حقاني)، مرستيال والي عبدالله (حقاني) په ډېرو هڅو او قومي مشرانو په منځګړيتوب د ياد ولايت په مرکز اسعدآباد کې په ۱۴۴۶/۴/۱۴ هـ ق نېټه د دوو کورنيو ترمنځ اووه کلنه دښمني په دوستۍ بدله شوه.
په دې موخه جوړې شوې غونډه کې مسؤولينو هر اړخيزې اصلاحي ويناوې وکړې او له ولسونو يې وغوښتل چې د داسې موضوعاتو په حل کې له خپل نظام مرسته وغواړي او تر څنګ يې ودرېږي.
