د سترې محکمې د دعوت او ارشاد ریاست رئیس د یوه پلاوي په مشرۍ د شمال زون ولایتونو ته سفر پیل کړ

m_admin
شنبه ۱۴۰۳/۶/۳۱ - ۱۵:۲۷
د سترې محکمې د دعوت او ارشاد ریاست رئیس د یوه پلاوي په مشرۍ د شمال زون ولایتونو ته سفر پیل کړ

د سترې محکمې د دعوت او ارشاد رئیس محترم حافظ مولوي عبدالعزیز (میوندي) د یوه پلاوي په مشرۍ نن شنبې (۱۸ /۳ /۱۴۴۶ هـ ق) نېټه د هېواد شمال زون اته (فاریاب، جوزجان، سرپل، سمنگان، کندوز، بغلان، بدخشان او تخار) ولایتونو ته د مرافعه محاکمو لپاره د دعوت او ارشاد برخې آمرینو د ټاکلو په موخه سفر پیل کړ.
د دعوت او ارشاد رئیس او ورسره مل پلاوی به یادو ولایتونو ته د سفر پر مهال د مرافعه محاکمو لپاره د دعوت او ارشاد آمرینو د ټاکلو په موخه له لسګونه دیني علماء کرامو ازموینه واخلي او د ازموینو د پایلو پر اساس به یادو بستونو ته وړ او مسلکي کسان وګوماري.
په دې سربېره به د دعوت او ارشاد ریاست دغه پلاوی د یادو ولایتونو د مرافعه محاکمو له قضائي او ادارو غړو سره اصلاحي ناستې وکړې او د یادو محاکمو کارکوونکو ته به اصلاحي ویناوې وکړې.
د یادونې وړ ده چې د سترې محکمې د دعوت او ارشاد ریاست پلاوي له دې مخکې د هېواد یو شمېر نورو ولایتونو ته هم سفرونه کړي او د مرافعه محاکمو لپاره د دعوت او ارشاد د آمرینو د ټاکلو په موخه یې له لسګونو دیني علماء کرامو څخه ازموینې اخیستې دي.

تازه خبرونه

پنجشنبه ۱۴۰۴/۴/۱۹ - ۱۰:۵۸
Background image

د کابل ولايت ښاري ابتدائیه محکمې څلورم زون لخوا یوې مجرمې ته تعزیري سزا ورکړل شوه

د کابل ولایت مرافعه محکمې اړوند ښاري ابتدائیه محکمې څلورم زون جزا دېوان د پرېکړې له مخې يوې ښځې ته د زنا په تور او له کوره د تېښتې په جرم؛ په ۱۲/ ۱/ ۱۴۴۷ هـ ق نېټه د یادې محکمې په انګړ. . .

چهارشنبه ۱۴۰۴/۴/۱۸ - ۱۱:۱۱
Background image

د کابل ولايت نشه‌يي توکو او مسکراتو څخه د مخنيوي ابتدائيه محکمې په يوه مياشت کې (۴۲۹) دوسيو ته رسېدنه کړې ده

د کابل ولایت د نشه‌يي توکو او مسکراتو څخه د مخنيوي ابتدائیه محکمې په يوه مياشت کې له ( ۱ /۱۲ /۱۴۴۶هـ ق څخه تر ۲۹ /۱۲ /۱۴۴۶هـ ق) نېټې پورې (۴۲۹) دوسيو ته رسېدنه کړې ده؛ چې جزئيات يې په. . .

یکشنبه ۱۴۰۴/۴/۱۵ - ۱۱:۴۸
Background image

د پکتيا ولايت محاکمو په یوه میاشت کې (۳۶۶) دوسیو ته پر رسېدنه سربېره، (۱۵۷) وثیقې هم اجرا کړې دي

د پکتيا ولايت مرافعه، ښاري ابتدائيه، د پکتيا زون نظامي، اختصاصي او د ټولو ولسواليو ابتداٸيه محاکمو په يوه مياشت کې له ( ۱/ ۱۲/ ۱۴۴۶هـ ق څخه تر ۲۹/ ۱۲/ ۱۴۴۶هـ ق) نېټې پورې (۳۶۶) دوسيو ته. . .

بیا په خبرونو کی