د نورستان ولایت مرافعه محکمې رئیس د یاد ولایت له لسګونو قومي مشرانو، علماوو او سپینږیرو سره وکتل
د نورستان ولایت مرافعه محکمې عمومي رئيس محترم مفتي عبیدالله (سليم)؛ په ۲۲/ ۷/ ۱۴۴۷ هـ ق په خپل کاري دفتر کې د یاد ولايت د مندول ولسوالۍ له لسګونو قومي مشرانو، علماوو، مخورو او سپینږیرو سره ليدنه وکړه.
په دې ناسته کې قومي مشرانو د خپلې ولسوالۍ ستونزې د مرافعه محکمې له رئيس سره شریکې کړې.
ورپسې د مرافعه محکمې رئیس یادو مشرانو علماوو او سپینږیرو ته د ښه راغلاست ترڅنګ د یادې ولسوالۍ ستونزو ته د رسېدنې ډاډ ورکړ.
ناسته د دعاء په ویلو پای ته ورسېده.
