د کندهار ولايت مرافعه محکمې رئيس د ياد ولايت د څلورو ولسواليو له ابتدائیه محاکمو څخه ليدنه وکړه
د کندهار ولایت مرافعه محکمې رئیس محترم مولوي غلام حضرت (ابوالمنذر) د مرافعه محکمې د نظامي منسوبینو دېوان قاضي مولوي محمد صادق، د قضائي معاونیت غړي مولوي باریداد، د حفظ او مراقبت مدير ملا عبدالولي او حقوقو آمر مولوي الله داد په ملتیا له (١٤٤٦/٥/٨ هـ ق څخه تر ١٤٤٦/٥/١٤ هـ ق نېټې) پورې د ياد ولايت د څلورو (ښکته شاه ولي کوټ، لوړ شاه ولي کوټ، ميانشين او نېش) ولسواليو د ابتدائيه محاکمو له قضائي او اداري چارو ليدنه وکړه.
یاد پلاوي د خپل سفر پر مهال د کښته شاه ولي کوټ، لوړ شاه ولي کوټ، ميانشين او نېش ولسواليو د ابتدائیه محاکمو او حقوقو مدیریتونو ترڅنګ د ارزګان ولايت نظامي محکمې له قضائي او اداري اجراآتو څارنه وکړه؛ ټولو قاضي صاحبانو ته یې يو لړ مهمې سپارښتنې او لارښوونې وکړې.
