د ارزګان ولايت مرافعه محکمې رئيس په مشرۍ اداري غونډه وشوه
د ارزګان ولایت مرافعه محکمې عمومي رئيس محترم شیخ محمود (ابوالفیض) په مشرۍ، د مرافعه او ښاري ابتدائیه محاکمو د دېوانونو رئیسانو او قضائي غړو، د اسنادو او وثيقو د ثبت آمر او غړو، د حقوقو آمر، د اختصاصي محکمې رئيس او قضائي غړو، د مرافعه او ښاري ابتدائیه محاکمو د امنیتي قطعې قوماندانانو په ګډون، په ۲۲ /۷ /۱۴۴۷هـ ق نېټه اداري غونډه وشوه.
غونډه د مرافعه محکمې د جزا دېوان رئیس مفتي دوست محمد (سعید) د قرآنکریم د څو مبارکو آیاتونو په تلاوت پیل شوه؛ ورپسې د مرافعه محکمې رئيس ټولو ګډونوالو ته ښه راغلاست ووایه او وویل، د ژمي موسم په را رسېدو سره یخني زیاته شوې، نو د مراجعینو کار باید ونه ځنډول شي، له مراجعینو سره په ښه اخلاقو او نرمۍ چلند وشي.
د غونډې په دوام د مرافعه محکمې رئيس ګډونوالو ته د مخزن ساتلو، حقوقي بندیانو، عريضو، جزائي اصولنامې د تطبيق او حاضرۍ په اړه لازمې او اړينې لارښوونې وکړې.
د غونډې په وروستیو کې ټولو قضائي غړو او اداري کارکوونکو خپلې ستونزې شریکې کړې او وویل، موږ اوس د خلکو او ولس د ستونزو حل په موخه راټول شوي یو، باید داسې خدمات وړاندې کړو چې ولس مو راضي شي، حق حقدار ته ورسېږي او د ظالم د ظلم مخنيوی وشي.
غونډه د اختصاصي محکمې رئیس مولوي امان الله لخوا د دعاء په ویلو پای ته ورسېده.
