د کابل ښار د ابتدائيه محکمې د لومړي زون د عمومي رئيس او د ياد زون د امنيتي حوزو د مسؤولینو ترمنځ د همغږۍ غونډه وشوه
د ۱۴۵۵ هـ ق کال د رجب المرجب د میاشتې په ۹مه نېټه د کابل ښار د ابتدائیه محکمې د لومړي زون د عمومي رئیس محترم مولوي عبدالبصیر (مصعب) په مشرۍ، د جزا، امنیت عامه او مدني دېوانونو رئیسانو او د یاد زون اړوند لومړۍ، اتمې، دوولسمې، شپاړسمې او یوویشتمې امنيتي حوزو د آمرینو، د کشف او جنائي مدیرانو په شتون کې د جرمونو د کچې د کنټرول، د قضائیه او اجرائیه قوو ترمنځ د ښې همغږۍ د رامنځته کولو په موخه غونډه ترسره شوه.
ياده غونډه د قرآنکریم د څو مبارکو آیاتونو په تلاوت پیل شوه؛ ورپسې د دواړو ادارو لخوا هغه موارد چې دوسیو ته د رسېدنې پر مهال د ځنډ لامل کېږي څرګند او معلول شول او د حل لپاره یې بحث او هر اړخيزې خبرې وشوې.
په پای کې د دواړو ادارو مسؤولين د جامع حللارو په وړاندې کولو سره هوکړې ته ورسېدل چې وړاندې شوې حللارې به عملي کوي، تر څو د جرمونو په کموالي کې ګټورې واقع شي، دوسيو ته پر ټاکلي وخت رسېدنه وشي او د خلکو ستونزې حل شي.
ياده د همغږۍ غونډه د دعاء په ويلو پای ته ورسېده.
