د سترې محکمې د تدارکاتو آمريت خبرتيا
د تدارکاتو قانون د درې څلویښتمې مادې د (۲) فقرې له مخې ټولو هېوادوالو ته خبر ورکول کېږي چې د افغانستان اسلامي امارت ستره محکمه په نظر کې لري؛ د ۱۴۰۳ هـ ش مالي کال لپاره د لمر پاینت لوژستیکي شرکت سره چې د جواز شمېره (۵۹۲۸۶) ده او مرکزي دفتر یې د کابل ولایت مرکز په نادر پښتون سیمه کې موقعیت لري، د (۱۸۲۱۰۰۰) یو میلیون او اته سوه یویشت زره افغانیو په قیمت سره د دغه مقام د تکنالوژۍ آمریت لپاره د فایروال لایسنس او سرور دستګاه د تدارک قرارداد وکړي.
هر ډول حکمي او حقیقي شخصیتونه چې په دې اړه نیوکه لري، د تدارکاتو قانون د پنځوسمې مادې له مخې کولای شي په لیکلي ډول د دلایلو په لرلو سره خپلې نیوکې د دې اعلان د خپرېدو له نېټې څخه تر اوو (۷) تقویمي ورځو پورې د عامې روغتیا څلور لارې ته څېرمه د سترې محکمې د مالي او اداري عمومي ریاست اړوند د تدارکاتو آمریت ته وړاندې کړي.
دا خبرتیا د قرارداد د تړلو په معنی نه ده، د پورته ذکر شوې نېټې تر پوره کېدو او نورو قانوني پړاونو تر سرته رسولو پورې د قرارداد عقد نه تړل کېږي.
