د ننګرهار محاکمو په دوو اونیو کې (۳۳۰) دوسیې حل او فصل کړې دي
په دغه راپور کې د ننګرهار ولایت د مرافعه محکمې، د ښاري ابتدائيه محکمې او ولسوالیو د ابتدائيه محاکمو د دوو اونیو (11 /8 /1444 هـ ق څخه تر23 /8 /1444 هـ ق نېټې) حقوقي، جزائي او تجارتي اجراآت شامل دي.
په حقوقي برخه کې:
په یادو دوو اونیو کې د ننګرهار ولایت محاکمو ته (161) حقوقي دوسیې راجع شوې دي؛ په داسې حال کې چې مخکې هم یو شمېر دوسیې موجودې وې.
له دې جملې څخه (11) دوسیې مکتوبي اجراء شوې، د (79) دوسیو په اړه قضائي قرار صادر شوي، (35) دوسیې فیصله شوې دي او پاتې نورې تر کار لاندې دي.
په جزائي برخه کې:
په تېرو دوو اونیو کې د ننګرهار ولایت محاکمو ته (132) جزائي دوسیې راجع شوې دي، په داسې حال کې چې مخکې هم یو شمېر دوسیې موجودې وې.
له دې جملې څخه (16) دوسیې مکتوبي اجراء شوې دي، د (31) دوسیو په اړه قضائي قرار صار شوي، (77) دوسیې فیصله شوې دي او پاتې دوسیې ترکار لاندې دي.
په تجارتي برخه کې:
په تېرو دوو اونیو کې (71) دوسیې محاکمو ته راجع شوې دي؛ په داسې حال کې چې مخکې په دې برخه کې کومه دوسیه نه وه موجوده.
له دې جملې څخه (6) دوسیې مکتوبي اجراء شوې، د (70) دوسیو په اړه قضائي قرار صادر شوي، (5) دوسیې فیصله شوې دي او پاتې تر کار لاندې دي.
