د سترې محکمې رئیس او قاضي القضات د کندهار له نظامي محکمې څخه لیدنه وکړه

m_admin
Sun, Nov 20 2022 11:57 AM
د سترې محکمې رئیس او قاضي القضات د کندهار له نظامي محکمې څخه لیدنه وکړه

د سترې محکمې رئیس او قاضي القضات محترم شیخ عبدالحکیم (حقاني) پرون چهارشنبې (۱۴۴۴/۴/۱۴) نېټه کندهار ولایت ته د سفر پر مهال د دغه ولایت له نظامي محکمې څخه لیدنه وکړه.

محترم شیخ عبدالحکیم (حقاني) د کندهار له نظامي محکمې څخه د لیدنې پر مهال د دې محکمې له مسؤولینو سره وکتل.

شیخ صاحب د دې لیدنې پر مهال د نظامي محکمې مسؤولینو ته هدایت وکړ چې د بې برخلیکه بندیانو دوسیو ته عاجله رسېدنه وکړي.

محترم شیخ صاحب د یادې محکمې مسؤولینو ته وویل، ټولو هغو دوسیو ته چې محکمې ته راجع کېږي پر ټاکلي وخت شفافه، اصولي او شرعي توګه رسېدنه وکړئ.

دغه راز شیخ صاحب له ظالم څخه مظلوم ته د حق په سپارلو د ټینګار ترڅنګ وویل، د هېچا مرتبې او مقام ته مه ګورئ، له ټولو مجرمانو سره (که لوړپوري چارواکي او که عادي کسان وي) د شریعت او قانون مطابق چلند وکړئ.

پر دې سربېره د سترې محکمې رئیس او قاضي القضات د محاکمو د چارو د لا بهبود په خاطر د یادې نظامي محکمې مسؤولینو ته ځینې لازم هدایات او سپارښتنې وکړې.

د یادونې وړ ده چې محترم شیخ صاحب په همدې نېټه کندهار ولایت کې د جنوب لویدیځ زون د تمیز له ریاست څخه هم لیدنه کړې وه.

Latest news

Thu, Nov 24 2022 10:42 AM
Background image

د جنوب لویدیځ زون د تمیز رئیس بادغیس ولایت ته سفر وکړ

شیخ الحدیث مولوی سردارمحمد (ابوالفیضان) رئیس تمیز زون جنوب غرب و معاون مقام عالی ستره محکمۀ امارت اسلامی با هئیت معیتی شان به ولایت بادغیس سفر کرد.

مولوی عبدالخالق (محمدی) رئیس عمومی. . .

BACK TO NEWS