د سترې محکمې رئیس او قاضي القضات حفظه الله بلخ ولایت ته سفر وکړ

org_admin
Mon, Sep 05 2022 1:12 PM
سفر قاضی القضات

د سترې محکمې رئیس او قاضي القضات شیخ عبدالحکیم (حقاني) حفظه الله د هیواد ولایتونو ته د خپلو سفرونو په لړۍ کې د قضائي پلاوي په مشرۍ چې د سترې محکمې قضائي مرستیال محترم شیخ محمدقاسم (راسخ) هم په کې ګډون درلود، تېره شنبه (۶/۲/۱۴۴۴ هـ ق) نېټه بلخ ولایت ته سفر وکړ.
د سترې محکمې رئیس محترم شیخ عبدالحکیم (حقاني) حفظه الله او ورسره مل پلاوي بلخ ولایت ته د دغه سفر پر مهال د یاد ولایت د استیناف محکمې د غونډو په تالار کې د بلخ د محاکمو له مسوولینو،محترم والي، او نورو ولایتي اداري رئیسانو او مسوولینو سره ناسته وکړه.
په یاده ناسته کې چې د سترې محکمې د قضائي مرستیال محترم شیخ محمدقاسم (راسخ) په مشرۍ جوړه شوې وه، د بلخ د استیناف محکمې عمومي رئیس مولوي محمد یوسف (ابوالوفا)، د بلخ ولایت محترم والي الحاج مولوي قدرت الله (ابوحمزه)، د استنیاف د دېوانونو رئیسانو، مفتیانو او محررینو او د شهري محکمې اړوند دېوانونو رئیسانو ګډون درلود.
یادې غونډه ته چې د کلام الله مجید د څو آیاتونو په تلاوت پیل شوه، د سترې محکمې رئیس او قاضي القضات شیخ عبدالحکیم  (حقاني) حفظه الله هر اړخیزه وینا وکړه وویل، اسلامي نظام د الله(جل جلاله) له لوري ستر نعمت دی او د الله (جل جلاله) د دغه نعمت د شکر  اداکول زموږ  ټولو مسوولیت او وجیبه ده.
شیخ صاحب حفظه الله په خپلو خبرو کې د ناستې ټولو ګډونوالو ته د دارالاافتاء ریاست د جوړولو پر اطمینان سربېره د صادره او وارده په تړاو د ناستې ګډونوالو ته وضاحت وکړ.
د سترې محکمې رئیس شیخ صاحب حفظه الله د ناستې ګډونوالو ته ټینګار  وکړ چې په خپلو ورځنیو چارو کې د سترې محکمې له عالي مقام څخه صادر شوي متحدالمـآلونه او لارښوونې په ښه توګه عملي کړي. 
دغه راز شیخ صاحب حفظه الله د وثایق مخزن آمریت د اداري پر مختګ د لارو چارو په اړه تفصیلي خبرې وکړې او د ناستې له ګډونوالو سره یې په دې اړه لازمې لارښوونې او مشورې شریکې کړې.
ورپسې د سترې محکمې قضائي مرستیال محترم شیخ محمد قاسم (راسخ) غونډې ته وینا وکړه، د شرعي احکامو تطبیق یې د ټولنې د بقا او اصلاح لپاره خورا مهم و بلل.
دغه راز نوموړي هره میاشت کې یو ځل د اداري او قضائي ناستو د جوړېدو د اهمیت او اهدافو په اړه د ناستې ګډونوالو ته تفصیلي خبرې وکړې وویل، د داسې غونډو جوړول زموږ  د اداري چارو د سمون ، د قضائي مسایلو اړوند استهداءګانو‎ ته د رسېدو لپاره ډېر زیات اهمیت لري.
 پر دې سر بېره د دېوانونو رئیسا نو هر یو مولوي عبدالسلام (مظهري)، د امنیت عامه رئیس او د دېوان جزاء رئیس شیخ فریدالدین (حقاني) په خپل نوبت سره شته مشکلات  شریک کړل، د محترم قاضي القضات صاحب حفظه الله له لوري ټولو مسایلو او مشکلاتو ته شرعي حللارې و لټول شوې ترڅو په راتلونکي کې یې کارونه له ځنډ سره مخ نشي.
ناسته د محترم قاضي القضات شیخ عبدالحکیم (الحقاني) حفظه الله لخوا د دعاء په ویلو سره  پای ته ورسېده.

Latest news

Wed, May 14 2025 3:57 PM
Background image

The Honorable Chief Justice and the Head of the Supreme Court held a meeting with the officials of the Kabul Urban Primary Court

Today, Wednesday (16th Dhul-Qa’dah 1446 AH), the Honorable Sheikh Abdul Hakim “Haqqani”, Chief Justice and Head of the Supreme Court of the Islamic Emirate of Afghanistan, held a. . .

Tue, Apr 22 2025 10:01 AM
Background image

Honorable Chief Justice and head of the supreme court Sheikh Abdul Hakim Haqqani Leads a Delegation Visit to Zabul Province

In continuation of his provincial visits and oversight of judicial affairs, the Chief Justice and Head of the Supreme Court of the Islamic Emirate of Afghanistan, Honorable Sheikh Abdul. . .

Thu, Apr 17 2025 6:15 PM
Background image

Chief Justice and head of the Supreme Court Traveled to Helmand Province

On wednesday, 18th Shawwal al-Mukarram, 1446 AH, His Excellency Sheikh Abdul Hakim Haqqani, the Chief Justice and head of the Supreme Court, paid an official visit to Helmand Province. . .

BACK TO NEWS