د افغانستان اسلامي امارت زعیم عالیقدر امیرالمؤمنین (حفظه‌الله تعالی) د سترې محکمې له یو شمېر مسؤولینو سره وکتل 

m_admin
خميس, سبتمبر 26 2024 4:06 مساء
د افغانستان اسلامي امارت زعیم عالیقدر امیرالمؤمنین (حفظه‌الله تعالی) د سترې محکمې له یو شمېر مسؤولینو سره وکتل 

د افغانستان اسلامي امارت زعیم عالیقدر امیرالمؤمنین (حفظه‌الله تعالی) د روان ۱۴۴۶ هـ ق کال د ربیع الاول میاشتې په ۲۱مه او ۲۲مه نېټه د سترې محکمې د مرکزي تمیز له عمومي رئیس محترم شیخ محمد شریف (حقاني)، د جنوب لوېدیځ زون د تمیز له عمومي رئیس او قضائي معاون شیخ سردار محمد ابو الفیضان، د جزا دېوان، د عامه امنیت دېوان، د تجارت دېوان، د مدني او عامه حقونو دېوان، د نظامي منسوبینو دېوان، د قضائي تفتیش ریاست او د قضائي زده کړو ریاست له رئیسانو سره وکتل.  
په دغه دوه ورځنۍ لیدنه کې د اسلامي نظام د مهم ارګان (قضائیه قوې) اړوند مهمو موضوعاتو په اړه تفصیلي خبرې وشوې.
د افغانستان اسلامي امارت زعیم عالیقدر امیرالمؤمنین (حفظه‌الله تعالی) د سترې محکمې یادو مسؤولینو ته په خطاب کې وویل، له قضائي چارو سره شریعت تړلی دی، هر څومره چې قضائي چارې ښې او پر وخت ترسره شي او د خلکو ستونزې حل شي په همغه اندازه شرعي نظام تقویه کېږي؛ ځکه چې شریعت د مجازاتو پر ځای د اصلاح ترغیب ورکوي.
عالیقدر امیرالمؤمنین (حفظه‌الله تعالی) د سترې محکمې مسؤولینو ته هدایت وکړ چې قضائي چارې د اسلامي شریعت د  ارشاداتو او اوامرو مطابق ترسره کړئ، د قضاء خپلواکۍ ته په پام په خپلو پرېکړو کې د هېچا تر مستقیم یا غیر مستقیم فشار لاندې مه راځئ؛ بلکې په ډېر جرئت د شریعت مطابق خپلې چارې ترسره کړئ.
د اسلامي امارت زعیم عالیقدر امیرالمؤمنین (حفظه‌الله تعالی) زیاته کړه، په یوه هېواد کې د اسلامي نظام د موجودیت په صورت کې باید ددغه هېواد ټول وګړي له خپلو شرعي حقونو برخمن وي، هېڅوک جرئت ونشي کړای چې پر چا ظلم وکړي، یا یې حق ضایع کړي؛ که څوک ظلم کوي یا د بل حق ضایع کوي، د محاکمو دنده او مسؤولیت دی چې ظالم او مجرم ته سزا ورکړي، مظلوم ته یې حق ورکړي او له ظلم یې وژغوري.
په دې سربېره د افغانستان اسلامي امارت زعیم عالیقدر امیرالمؤمنین (حفظه‌الله تعالی) د سترې محکمې مسؤولینو ته نورې مهمې لارښوونې او هدایات وکړل.
د سترې محکمې مسؤولینو عالیقدر امیرالمؤمنین (حفظه‌الله تعالی) ته ډاډ ورکړ چې په هېواد کې به د شرعي پرېکړو د صادرولو له لارې عدالت تأمینوي، د ظلم مخه به نیسي او د مظلومانو لاس‌نیوی به کوي.
دغه راز د سترې محکمې مسؤولینو زیاته کړه چې د محاکمو قضائي او اداري غړي په خپل ټول توان هڅه کوي چې د محاکمو دروازې د مراجعینو پر مخ خلاصې وساتي او په ټاکلي وخت د مراجعینو دوسیې حل او فصل کړي.

Latest news

ثلاثاء, فبراير 25 2025 2:51 مساء
Background image

زيارة رئيس ديوان الأمن العام بالمحكمة العليا إلى محافظة بلخ بهدف إتمام التحقيقات النهائية في عدد من القضايا الجزائية.

بناءً على توجيه الرئاسة العليا للتمييز المركزي، قام رئيس ديوان الأمن العام في المحكمة العليا فضيلة المفتي عبد الرحمن (عزيزي)، يرافقه مستشار الديوان المفتي قدرت الله (سيرت)، بتاريخ ٢٣ من. . .

ثلاثاء, فبراير 25 2025 11:54 صباحا
Background image

إكمال الرئيس العام لديوان الجزاء بالمحكمة العليا للتحقيقات النهائية  بشأن ٦ قضايا خلال زيارته إلى محافظة لغمان.

 بتوجيه خاص من قاضي القضاة ورئيس المحكمة العليا، فضيلة الشيخ عبد الحكيم (الحقاني)، قام الرئيس العام لديوان الجزاء بالمحكمة العليا سماحة المفتي عتيق الله (درويش)، برفقة سماحة المفتي محمد. . .

أحد, فبراير 23 2025 11:26 صباحا
Background image

زيارة قاضي القضاة ورئيس المحكمة العليا إلى محكمة الاستئناف في محافظة قندهار

قام قاضي القضاة ورئيس المحكمة العليا سماحة الشيخ عبد الحكيم (الحقاني) في تاريخ ١٤٤٦/٨/١٨ هـ ق، بزيارة محكمة الاستئناف لمحافظة قندهار، حيث كان جميع الأعضاء القضائيين لمحكمة الاستئناف. . .

BACK TO NEWS