د افغانستان اسلامي امارت زعیم عالیقدر امیرالمؤمنین (حفظه‌الله تعالی) د سترې محکمې له یو شمېر مسؤولینو سره وکتل 

m_admin
پنجشنبه ۱۴۰۳/۷/۵ - ۱۶:۶
د افغانستان اسلامي امارت زعیم عالیقدر امیرالمؤمنین (حفظه‌الله تعالی) د سترې محکمې له یو شمېر مسؤولینو سره وکتل 

د افغانستان اسلامي امارت زعیم عالیقدر امیرالمؤمنین (حفظه‌الله تعالی) د روان ۱۴۴۶ هـ ق کال د ربیع الاول میاشتې په ۲۱مه او ۲۲مه نېټه د سترې محکمې د مرکزي تمیز له عمومي رئیس محترم شیخ محمد شریف (حقاني)، د جنوب لوېدیځ زون د تمیز له عمومي رئیس او قضائي معاون شیخ سردار محمد ابو الفیضان، د جزا دېوان، د عامه امنیت دېوان، د تجارت دېوان، د مدني او عامه حقونو دېوان، د نظامي منسوبینو دېوان، د قضائي تفتیش ریاست او د قضائي زده کړو ریاست له رئیسانو سره وکتل.  
په دغه دوه ورځنۍ لیدنه کې د اسلامي نظام د مهم ارګان (قضائیه قوې) اړوند مهمو موضوعاتو په اړه تفصیلي خبرې وشوې.
د افغانستان اسلامي امارت زعیم عالیقدر امیرالمؤمنین (حفظه‌الله تعالی) د سترې محکمې یادو مسؤولینو ته په خطاب کې وویل، له قضائي چارو سره شریعت تړلی دی، هر څومره چې قضائي چارې ښې او پر وخت ترسره شي او د خلکو ستونزې حل شي په همغه اندازه شرعي نظام تقویه کېږي؛ ځکه چې شریعت د مجازاتو پر ځای د اصلاح ترغیب ورکوي.
عالیقدر امیرالمؤمنین (حفظه‌الله تعالی) د سترې محکمې مسؤولینو ته هدایت وکړ چې قضائي چارې د اسلامي شریعت د  ارشاداتو او اوامرو مطابق ترسره کړئ، د قضاء خپلواکۍ ته په پام په خپلو پرېکړو کې د هېچا تر مستقیم یا غیر مستقیم فشار لاندې مه راځئ؛ بلکې په ډېر جرئت د شریعت مطابق خپلې چارې ترسره کړئ.
د اسلامي امارت زعیم عالیقدر امیرالمؤمنین (حفظه‌الله تعالی) زیاته کړه، په یوه هېواد کې د اسلامي نظام د موجودیت په صورت کې باید ددغه هېواد ټول وګړي له خپلو شرعي حقونو برخمن وي، هېڅوک جرئت ونشي کړای چې پر چا ظلم وکړي، یا یې حق ضایع کړي؛ که څوک ظلم کوي یا د بل حق ضایع کوي، د محاکمو دنده او مسؤولیت دی چې ظالم او مجرم ته سزا ورکړي، مظلوم ته یې حق ورکړي او له ظلم یې وژغوري.
په دې سربېره د افغانستان اسلامي امارت زعیم عالیقدر امیرالمؤمنین (حفظه‌الله تعالی) د سترې محکمې مسؤولینو ته نورې مهمې لارښوونې او هدایات وکړل.
د سترې محکمې مسؤولینو عالیقدر امیرالمؤمنین (حفظه‌الله تعالی) ته ډاډ ورکړ چې په هېواد کې به د شرعي پرېکړو د صادرولو له لارې عدالت تأمینوي، د ظلم مخه به نیسي او د مظلومانو لاس‌نیوی به کوي.
دغه راز د سترې محکمې مسؤولینو زیاته کړه چې د محاکمو قضائي او اداري غړي په خپل ټول توان هڅه کوي چې د محاکمو دروازې د مراجعینو پر مخ خلاصې وساتي او په ټاکلي وخت د مراجعینو دوسیې حل او فصل کړي.

تازه ترین اخبار

پنجشنبه ۱۴۰۳/۱۲/۲۳ - ۱۰:۵۷
Background image

رئیس محکمۀ مرافعۀ ولایت تخار از محکمۀ ابتدائیۀ ولسوالی ورسج آن ولايت دیدار نمود

محترم مولوی محمد یوسف (ابوالوفا) رئیس محکمۀ مرافعۀ ولایت تخار؛ به تاريخ ۱۱/ ۹/ ۱۴۴۶هـ ق از اجراآت قضائی، اداری و مدیریت حقوق ولسوالی ورسج آن ولايت بررسی و نظارت نمود.
رئیس محکمۀ مرافعه. . .

چهارشنبه ۱۴۰۳/۱۲/۲۲ - ۱۲:۴
Background image

جلسۀ اداری محکمۀ مرافعۀ ولایت بدخشان دایر گردید

تحت ریاست محترم مفتی حفیظ الله (محمدی) رئیس محکمۀ مرافعۀ ولایت بدخشان؛ به اشتراک تمام قضات از محاکم مرافعه، ابتدائیه، آمریت وثایق و محکمۀ اختصاصی به تاریخ ۸ /۹ /۱۴۴۶هـ ق در دفتر کاری. . .

چهارشنبه ۱۴۰۳/۱۲/۲۲ - ۱۱:۵۴
Background image

رئیس محکمۀ مرافعۀ ولایت جوزجان از آمریت محبس آن ولایت بازدید نمود

محترم مولوی عبدالغنی (سعید) رئیس عمومی محکمۀ مرافعۀ ولایت جوزجان؛ با همراهی قاری گل حیدر (شفق) والی آن ولایت، مولوی محمد یاسین (وقاص) رئیس امر بالمعروف، نهی عن المنکر و سمع شکایات،. . .

بازگشت به اخبار