د میدان وردګ، پروان او کاپیسا ولایتونو د حقوقو آمریتونو په یوه میاشت کې (۹۹۶) عرضپاڼو او دوسيو ته رسېدنه کړې ده
د سترې محکمې د حقوقو عمومي ریاست اړوند د میدان وردګ، پروان او کاپیسا ولایتونو د حقوق آمریتونو په یوه میاشت کې له (۱۴۴۷/۷/۱ هـ ق څخه تر ۲۹ /۷ /۱۴۴۷هـ ق) نېټې پورې (۹۹۶) عرضپاڼو او دوسيو ته رسېدنه کړې ده؛ چې جزئيات يې په لاندې ډول دي.
د عرضپاڼو په برخه کې:
د میدان وردګ، پروان او کاپیسا ولایتونو د حقوقو آمریتونو په یوه میاشت کې د مدني، فاميلي او سوداګریزو دعواوو په برخه کې (۷۵۱) عرضپاڼو ته رسېدنه کړې ده.
له دې جملې څخه (۳۰۳) عرضپاڼې اصلاح او ابراء شوې، (۱۸۵) عرضپاڼې محاکمو ته لېږل شوې، (۱۳) عرضپاڼې نورو ادارو ته راجع شوې، (۲۵۰) عرضپاڼې حفظ شوې او پاتې عرض پاڼې تر کار لاندې دي.
د دوسيو په برخه کې:
د میدان وردګ، پروان او کاپیسا ولایتونو د حقوقو آمریتونو په یوه میاشت کې د مدني، فاميلي او سوداګریزو دعواوو په برخه کې (۲۴۵) دوسيو ته رسېدنه کړې ده.
له دې جملې څخه (۶۷) دوسيې تطبيق شوې، (۱۵) دوسيې محاکمو ته لېږل شوې، (۱۸) دوسيې نورو ادارو ته راجع شوې، (۱۴۵) دوسيې حفظ شوې او پاتې دوسیې تر کار لاندې دي.
