د غزني ولايت مرافعه محکمې د رئيس په مشرۍ غونډه وشوه
د غزني ولايت مرافعه محکمې د رئيس محترم مفتي عزیزالله (حيدري) په مشرۍ؛ د ښاري ابتدائیه محکمې رئيس، د مرافعه او ابتدائیه محاکمو د دېوانونو رئيسانو، د حقوقو او وثايقو آمرينو او امنيتي قطعې قوماندان په ګډون، په ۲۱/ ۴/ ۱۴۴۸هـ ق نېټه اداري، قضائي او امنيتي غونډه وشوه.
غونډه د قرآنکريم د څو مبارکو آیاتونو په تلاوت سره پيل شوه؛ ورپسې د مرافعه محکمې رئیس ګډونوالو ته ښه راغلاست ووایه او د سترې محکمې عالي مقام د متحدالمآلونو په اساس د فیصلو اصولي تطبیق پروسې او نورو موضوعاتو په اړه یې وینا وکړه.
یاده غونډه د ګډونوالو له نظرونو او بحث وروسته د دعاء په ویلو پای ته ورسېده.
