د کابل ولایت قرهباغ ولسوالۍ د ابتدائیه محکمې په هڅو د دوو کورنیو ترمنځ د قتل موضوع حل او فصل شوه
د کابل ولایت د قرهباغ ولسوالۍ د ابتدائیه محکمې د مسؤولینو په هڅو، د قومي مشرانو او علماوو په منځګړیتوب، په ۲۶ / ۲ / ۱۴۴۸هـ ق نېټه د دوو کورنیو ترمنځ د قتل موضوع حل او فصل شوه.
یاده پېښه د قرهباغ ولسوالۍ په بازار کې د یوې ترافیکي پېښې له امله رامنځته شوې وه؛ ابتدائیه محکمې ته تر راجع کېدو وروسته په غور او دقت سره وڅېړل شوه.
د ابتدائیه محکمې لهخوا د حکم له صادرېدو مخکې دواړه لوري سولې او روغې جوړې ته وهڅول شول، چې د هغوی لهخوا ومنل شوه.
د مقتول د کورنۍ له رضایت وروسته، د محکمې له لوري یوه رسمي غونډه جوړه شوه؛ چې په کې د دواړو لوریو قومي مشرانو او علماوو هم ګډون درلود، په غونډه کې د مقتول وارثینو قاتل ته بخښنه وکړه او دغه موضوع په رسمي ډول پای ته ورسېده.
