د کابل ولايت کلکان ولسوالۍ ابتدائیه محکمې مسؤولينو په هڅو د دوو کورنيو ترمنځ د قتل (۱۷) کلنه موضوع حل شوه
د کابل ولايت کلکان ولسوالۍ ابتدائیه محکمې مسؤولينو په ډېرو هڅو؛ د قومي مشرانو او علماوو په منځګړيتوب، په ۱۳ /۱۱/ ۱۴۴۷ هـ ق نېټه د دوو کورنيو ترمنځ د قتل موضوع حل او فصل شوه.
یاده موضوع چې شاوخوا (۱۷) کاله مخکې د کلکان ولسوالۍ اړوند ساحو کې د خپل منځي شخړې له امله رامنځته شوې وه؛ ابتدائیه محکمې ته تر راجع کېدو وروسته په غور او دقت وڅېړل شوه، د محکمې د حکم څخه مخکې دواړه طرفونه سولې ته وهڅول شول او دوی هم قبوله کړه.
یاده موضوع د یوې غونډې په ترڅ کې، چې د دواړو لوریو مشرانو او علماوو هم په کې ګډون درلود حل او فصل شوه؛ د مقتول وارثينو قاتل ته بخښنه وکړه او شته دښمني يې په دوستۍ بدله شوه.
