د بلخ، کاپیسا او لغمان ولایتونو د حقوقو آمریتونو په یوه میاشت کې (۱۵۸۹) عرضپاڼو او دوسيو ته رسېدنه کړې ده
د سترې محکمې د حقوقو عمومي ریاست اړوند د بلخ، کاپیسا او لغمان ولایتونو د حقوقو آمریتونو په یوه میاشت کې (له ۱۴۴۷/۱۰/۱هـ ق څخه تر ۱۴۴۷/۱۰/۳۰هـ ق) نېټې پورې (۱۵۸۹) عرضپاڼو او دوسيو ته رسېدنه کړې ده؛ چې جزئيات يې په لاندې ډول دي.
د عرضپاڼو په برخه کې:
د بلخ، کاپیسا او لغمان ولایتونو د حقوقو آمریتونو په یوه میاشت کې د مدني، فاميلي او سوداګریزو دعواوو په برخه کې (۱۰۲۶) عرضپاڼو ته رسېدنه کړې ده.
له دې جملې څخه (۲۵۰) عرضپاڼې اصلاح او ابراء شوې، (۲۷۶) عرضپاڼې محاکمو ته لېږل شوې، (۲۹) عرضپاڼې نورو ادارو ته راجع شوې، (۴۷۱) عرضپاڼې حفظ شوې او پاتې عرض پاڼې تر کار لاندې دي.
د دوسيو په برخه کې:
د بلخ، کاپیسا او لغمان ولایتونو د حقوقو آمریتونو په یوه میاشت کې د مدني، فاميلي او سوداګریزو دعواوو په برخه کې (۵۶۳) دوسيو ته رسېدنه کړې ده.
له دې جملې څخه (۵۵) دوسيې تطبيق شوې، (۱۱۴) دوسيې محاکمو ته لېږل شوې، (۵۱) دوسيې نورو ادارو ته راجع شوې، (۳۴۳) دوسيې حفظ شوې او پاتې دوسیې تر کار لاندې دي.
