د هلمند ولايت مرافعه محکمې رئيس د یاد ولايت له مرکزي محبس څخه ليدنه وکړه

د هلمند ولایت مرافعه محکمې عمومي رئیس محترم الحاج مفتي محمد (محمدي) په مشرۍ؛ یو ګډ پلاوي په ۶/ ۱۲/ ۱۴۴۶ هـ ق نېټه د هلمند ولایت له مرکزي محبس او بنديانو څخه لیدنه وکړه.
 په دې ليدنه کې یاد پلاوي د بندیانو د خوراک، څښاک، د اوسېدو ځای، روغتیايي خدماتو او د بندیانو د عمومي وضعیت دقیقه ارزونه وکړه.
د لیدنې په دوام د محبس شرایطو او امکاناتو د ښه والي لپاره د اړینو ستونزو پېژندنه وشوه او د بنديانو شکایتونه او غوښتنې واورېدل شوې.
د لیدنې وروسته د یاد پلاوي لخوا د بنديانو ستونزې او غوښتنې د مرافعه او ښاري ابتدائیه محاکمو اړوند دېوانونو د رئیسانو سره په ګډه غونډه کې شریکې شوې؛ ترڅو د محبس وضعیت د لا ښه والي، د بندیانو حقونو رعایت او د شرعي قانون د تطبیق په برخه کې لازم اقدامات وشي.
همداراز په یاده غونډه کې د ځینو نورو اړوند موضوعاتو د حل او فصل په موخه هم بحث او خبرې وشوې.