د ننګرهار ولایت د مرافعه محکمې رئیس په مشرۍ د همغږۍ غونډه وشوه

د ننګرهار ولایت د مرافعه محکمې رئیس محترم مفتي عبدالشکور (رشادآخندازده) په مشرۍ؛ د امنیه قوماندانۍ، استخباراتو ریاست، ګڼو ادارو د استازو او مسؤولینو په ګډون په ۵ /۴ /۱۴۴۶ هـ ق نېټه د همغږۍ غونډه وشوه.
غونډه د قرآنکريم د څو مبارکو آياتونو په تلاوت پیل شوه؛ ورپسې د مرافعه محکمې رئیس ګډونوالو ته له ښه راغلاست ويلو وروسته مسؤولینو ته په جزائي او حقوقي موضوعاتو کې د اصولو مطابق د بېلابېلو اجراآتو هدایات وکړل؛ ترڅو په حقوقي برخه کې اشخاص ونه ځورول شي او بې‌ګناه اشخاص مجازات نه شي.
محترم رشاد آخندازه د عدلي او قضائي ارګانونو مسؤولینو ته هغه موارد په نښه کړل چې چارې له خنډ او ځنډ سره مخ کوي وویل، د خلکو غږ باید واورېدل شي، ستونزو ته يې پر وخت رسېدنه وشي او په دې برخه کې باید لا ډېرې هڅې او کار وشي.
د غونډې په دوام د اجنډا مطابق بحث او خبرې وشوې، ټولو ګډونوالو په نوبت خپل نظرونه شريک کړل او د نظرونو له تبادلې وروسته لازم تصمیمونه ونیول شول.
 غونډه دعا په ويلو پای ته ورسېده.