خوست ولایت کې (۹) مجرمينو ته تعزیري سزا ورکړل شوه
د خوست ولایت د ښاري ابتدائیه محکمې د جزا او عامه امنيت دېوانونو د پرېکړو په اساس نهه (۹) تنو ته د غلا، نامشروع اړیکو، فریبکارۍ، رشوت او شراب خرڅولو په جرم نن پنجشنبه ۲۶/ ۱/ ۱۴۴۶ هـ ق نېټه په عام محضر کې تعزیري سزا ورکړل شوه.
ابتدائيه محکمې د یادو کسانو له ډلې دوه مجرمين پر ۱۸ میاشتو تنفیذي بند او (۳۹) دُرو تعزیري سزا، یو مجرم پر درې کاله تنفیذي بند او (۳۹) دُرو تعزیري سزا، یو مجرم پر یوه کال تنفیذي بند او (۳۵) دُرو تعزیري سزا، یو مجرم پر یوه کال تنفيذي بند، یو مجرم پر یوه کال تنفیذي بند او (۳۹) دُرو تعزیري سزا، یو مجرم پر دوه کاله تنفیذي بند او (۳۹) دُرو تعزیري سزا، یو مجرم پر شپږو میاشتو تنفیذي بند او (۳۵) دُرو تعزیري سزا او وروستی مجرم پر (۳۹) دُرو تعزیري سزا محکوم کړی و.
په دې موخه جوړه شوې غونډه کې د خوست ولایت د مرافعه محکمې عمومي رئيس الحاج مولوي امین الله (منیب)، د ښاري ابتدائيه محکمې رئیس مولوي نقیب الله (ذاکر)، قضائي، نظامي منسوبینو او عام هېوادوالو ګډون درلود.
یاده پرېکړه د سترې محکمې د عالي مقام له تائید وروسته پر مجرمينو تطبیق شوه.
