د سترې محکمې د تدارکاتو آمريت خبرتيا
د تدارکاتو قانون د درې څلویښتمې مادې د (۲) فقرې له مخې ټولو هیوادوالو ته خبر ورکول کېږي چې د افغانستان اسلامي امارت ستره محکمه په نظر کې لري، د ۱۴۰۳هـ ش مالي کال لپاره د نوراني ارغندیوال لوژستیکي خدمتونو شرکت سره چې د جواز شمېره (۲۱۳۱۶) ده او مرکزي دفتر یې د کابل ولایت مرکز په کوټه سنګي کې موقعیت لري، د (۲۵۲۲۸۳۰) دوه میلیونه پنځه سوه دوه ویشت زره او آته سوه دیرش افغانیو په قیمت سره د سترې محکمې د مرکزي ریاستونو لپاره د چای او قندو په ګډون د (۲۸) قلمه تنظیفاتي موادو د تدارک قرارداد وکړي.
هر ډول حکمي او حقیقي شخصیتونه چې په دې اړه نیوکه لري، د تدارکاتو قانون د پنځوسمې مادې له مخې کولای شي په لیکلي ډول د دلایلو په لرلو سره خپلې نیوکې د دې اعلان د خپرېدو له نېټې څخه تر اوو (۷) تقویمي ورځو پورې د عامې روغتیا څلور لارې ته څیرمه د سترې محکمې د مالي او اداري عمومي ریاست اړوند د تدارکاتو آمریت ته وړاندې کړي.
دا خبرتیا د قرارداد د تړلو په معنی نه ده، د پورته ذکر شوې نېټې تر پوره کېدو او نورو قانوني مرحلو تر سرته رسولو پورې د قرارداد عقد نه تړل کېږي.
