د تعزيت پيغام!
په ډېرې خواشینۍ سره مو خبر ترلاسه کړ، چې د سترې محکمې د مرکزي تمیز اړوند د نظامي منسوبینو دېوان عضو مفتي مولوي حیات الله (ثابت) پرون ماسپښین د ورپېښې ناروغۍ له امله د مرګ داعي ته لبیک ووایه، انا لله وانا اليه راجعون.
د سترې محکمې محترم مشرتابه او کارکوونکي په دې درانه غم کې ځان د نوموړي له کورنۍ او دوستانو سره شریک بولي، نوموړي ته له الله تعالى څخه د جنة الفردوس، کورنۍ او دوستانو ته يې د صبر جميل غوښتنه کوي.
مرحوم مولوي حیات الله (ثابت) یو متدین او مخلص شخص و، خپله دنده یې په پوره امانتدارۍ ترسره کوله او د خلق الله دوسیو ته د رسېدو برخه کې یې نه ستړې کېدونکې هلې ځلې کولې.
