د زابل د شهر صفا ولسوالۍ د ابتدائيه محکمې په هڅو د قتل موضوع حل شوه
د زابل ولایت د شهر صفا ولسوالۍ د ابتدائیه محکمې مسؤولینو د روان ۱۴۴۵ هـ ق کال د جمادی الأولی میاشتې په ۷مه نېټه د قتل یوه قضیه د علماء کرامو او قومي مشرانو په منځګړیتوب حل او فصل کړه.
د قتل په دې قضیه کې چې په ۹/شوال/۱۴۴۴ هـ ق نېټه رامنځته شوې وه؛ د ګیدرګو کلي اوسېدونکي خپل دوه وروڼه د ځمکې پر سر رامنځته شوې شخړه کې په شهادت رسولي وو.
یاده دوسیه محکمې ته تر راجع کېدو وروسته په غور او دقت وڅېړل شوه، بالآخره د شهر صفا ولسوالۍ د ابتدائیه محکمې رئیس په ډېرو هلو ځلو د علماء کرامو او قومي مشرانو په منځګړیتوب د قاتل او متقول د وارثینو ترمنځ سوله وکړه او د قاتل لخوا د مقتول وراثینو ته پنځه ویشت لکه (۲۵۰۰۰۰۰) افغانۍ دیت ورکړل شو.
د یادونې وړ ده چې د ابتدائیه محکمې دغه پرېکړه د قضیې د جانبینو او شاهدانو په حضور کې ابلاغ شوه او د قضیې دواړو لوریو پرې قناعت او رضایت درلود.
