د پکتیا محاکمو په یوه میاشت کې د (۳۴۶) دوسیو پر حل او فصل سربېره (۲۱۵) وثیقې هم اجرا کړې دي

په دغه راپور کې له  ۱ /۱ /۱۴۴۵ څخه تر  ۲۹ /۱ /۱۴۴۵  هـ ق نېټې د پکتیا ولایت د مرافعه محکمې، وثایقو،  د ښاري ابتدائیه محکمې، د پکتیا زون ابتدائيه نظامي محکمې او ولسوالیو د ابتدائیه محاکمو د یوې میاشتې حقوقي او جزائي  اجراآت شامل دي.

په حقوقي برخه کې:    

په تېره یوه میاشت کې (۱۸۱) حقوقي دوسیې محاکمو ته راجع شوې دي؛ په داسې حال کې چې مخکې هم یو شمېر دوسیې موجودې او تر دوران لاندې وې.

له دې جملې څخه (۵۴) دوسیې مکتوبي مسترې شوې، د (۱۲۴) دوسیو په اړه قضائي قرارونه صادر شوي، ( ۴۷) دوسیې فیصله شوې او پاتې نورې دوسیې تر کار لاندې دي.

په جزائي برخه کې:

په تېره یوه میاشت کې د پکتیا ولایت محاکمو ته  (۷۸) دوسیې راجع شوې دي؛  په داسې حال کې چې مخکې هم یو شمېر دوسیې موجودې او تر دوران لاندې وې.

له دې جملې څخه (۲۱) دوسیې مکتوبي مستردې شوې، د (۴۱) دوسیو په اړه قضائي قرارونه صادر شوي، (۵۹) دوسیې فیصله شوې او پاتې دوسیې تر کار لاندې دي.

دغه راز په یاده موده کې (۲۱۵) بېلا بېل وثایق هم اجراء شوي دي.