د هلمند د مرافعه محکمې عمومي رئيس د خانشین ولسوالۍ ابتدائيه محکمې څخه ليدنه وکړه
سه شنبه او چهارشنبه ۱۴۴۵/۱/۷ ھ ق او ۱۴۴۵/۱/۸ ھ ق نېټو د هلمند ولایت د مرافعه محکمې عمومي رئیس مولوي محمد نبي حماس صاحب په مشرۍ یو مل پلاوي د خانشين ولسوالۍ ابتدائیه محکمې ته سفر وکړ.
حماس مولوي صاحب ولسوالۍ ته له رسېدو سره سم د يادې محکمې له محبس څخه ليدنه وکړه، چې د بنديانو د وضعیت او د هغوی د فیصلو پوښتنه يې وکړه.
وروسته يې د يادې ولسوالۍ د ابتدائيه محکمې په انګړ کې د خانشين ولسوالۍ له ولسوال، امنیه قوماندان او د استخباراتو له مدير سره ګډ تفاهمې مجلس وکړ، چې د يادې ولسوالۍ د شته مشکلاتو په اړه هر اړخيزې خبرې وشوې، چې د يو او بل له لوري د همکارۍ ډاډ ورکړل شو.
په پای کې يې د محبس مسؤل سره یو اندازه مرسته وکړه، تر څو د محبس د بنديانو ښه ساتنه پرې وکړي.
