د لغمان ولایت استیناف محکمې د رئیس په مشرۍ اداري ناسته ترسره شوه
د ۱۴۴۴ کال د ربیع الاول میاشت کې د لغمان ولایت د استناف محکمې په انګړ کې د استناف محکمې د رئیس محترم مفتي عبدالله(فرقاني) په مشرۍ اداري غونډه ترسره شوه.
په دې غونډه کې د لغمان ولایت د ښاري محکمې رئیس، د دغه ولایت د مرافعه، ښاري محکمې او ولسوالیو د ابتدائیه محاکمو محترمو قضاتو ګډون درلود.
غونډه د قرآن عظیم الشان د څو مبارکو آیاتونو په تلاوت سره پیل شوه؛ ورپسې د استیناف محکمې رئیس د غونډې ګډونوالو ته ښه راغلاست ووایه.
د استیناف محکمې رئیس محترم مفتي عبدالله(فرقاني) وویل، د دې غونډې له جوړولو څخه مو هدف دادی چې د هغو مشکلاتو لپاره حللارې پیدا کړو چې زمونږ محاکم ورسره مخامخ کیږي.
ورپسې د غونډې په اجنډاء کې د شاملو لاندې موضوعاتو په اړه بحث وشو:
- دا چې محکمه باید انساني کرامت او حرمت ته په درناوی سره د مجرمینو حکایتونه او ویډیوګانې په عام مجلس کې نشر او خپرې نه کړي.
- ټول محاکم باید د خپلو اجراآتو راپورونه په خپل وخت له ځنډ پرته استناف محکمې ته راولیږي.
- دا چې هر رئیس د خپلو ماتحتو کارکوونکی مشر وي لومړی باید ځان او ورپسې د خپلو مربوطه کارکوونکو د اصلاح په برخه کې خپل مسؤولیت درک او ترسره کړي.
- د محاکمو منسوبین باید له مراجعینو سره اسلامي او غوره چلند وکړي؛ ترڅو په راتلونکي کې د الله(جل جلاله) او د ملت له مسؤولیت څخه مسؤن وي.
- هره دوسیه باید په خپل مسیر باندی وروستۍ مرجع ته ولېږل شي (خپلې مربوطه مرجع ته واستول شي.)
- د غونډې په وروستۍ برخه کې د نکاح خطونو د وېش په اړه د ناستې د ګډونوالو نظر واخیستل شو او ناسته د دعاء په ویلو سره پای ته ورسېده.
