ننګرهار ولايت کې يوه متهم ته تعزيري سزا ورکړل شوه
په ۲۴/ ۹/ ۱۴۴۵هـ ق نېټه د ننګرهار ولایت د کوز کنړ ولسوالۍ د ابتدائيه محکمې لخوا یو تن ته چې پر غلا متهم و؛ په عام محضر کې (۳۰) دُرې تعزیري سزا ورکړل شوه.
په دې موخه جوړه شوې غونډه کې د ننګرهار ولایت د کوز کنړ ولسوالۍ د ابتدائيه محکمې رئیس محترم مفتي لطیف الله (ستانکزي)، د یادې محکمې مفتي او کارکوونکو، د یادې ولسوالۍ ولسوال او معاون، د استخباراتو مدیر، د ولسوالۍ اړوند ټولو کارکوونکو، مراجعينو او عامو هېوادوالو ګډون درلود.
د کوز کنړ ولسوالۍ د ابتدائيه محکمې لخوا ياد متهم په دوه کاله تنفيذي بند او (۳۰) دُرو تعزيري سزا محکوم شوی و؛ ياده پرېکړه د سترې محکمې د عالي مقام له تائيد وروسته پر متهم تطبيق شوه.
